53 persona kanë humbur jetën nga koronavirusi që prej fillimit të epidemisë në vendin tonë. Ministria e Shëndetësisë njoftoi se gjatë 24 orëve të fundit 2 pacientë të tjerë i janë shtuar listës së viktimave.<br /><br />?Dy qytetarë e kanë humbur betejën me Covid19 në 24 orët e fundit. Një 59 vjeçare nga Lushnja me insuficencë renale kronike dhe disa sëmundje të tjera bashkëshoqëruese dhe një pacient 77 vjeçar nga Vlora, i cili vuante nga hipertensioni, që trajtohej prej 10 ditësh në terapi intensive nuk kanë mundur të mbijetojnë pavarësisht mjekimit intensiv dhe përpjekjeve maksimale të stafit mjekësor?.<br /><br />Situata në Spitalin Infektiv vijon të jetë e rënduar. Atje po trajtohen 81 pacientë, 12 prej të cilëve në terapi intensive, ndërsa 2 janë të intubuar.<br /><br />Lajmi i mirë 24 orët e fundit është sa i përket të shëruarve. Është ruajtur në këtë mënyrë trendi i një dite më parë, pasi edhe këtë të shtunë janë konfirmuar të shëruar 48 qytetarë.<br /><br />Numri i të shëruarve që nga fillimi i epidemisë ka shkuar në 1346.<br /><br />Gjatë 24 orëve të fundit janë kryer 355 testime dhe kanë rezultuar të prekur me Covid-19 61 qytetarë. Një pjesë e konsiderueshme e rasteve lidhen me ndërmarrjet me shumë punëtorë.<br /><br />?Shpërndarja gjeografike e rasteve është si vijon: 12 të prekur në Tiranë, 11 në Vlorë, 7 në Durrës, nga 5 raste në Kukës dhe Divjakë, nga 3 raste në Pukë, Korçë, Kurbin, 2 në Krujë dhe nga 1 rast përkatësisht në Shkodër, Fier, Lezhë, Has, Mirditë, Kamëz, Sarandë, Fushë-Arrëz, Selenicë, Belsh. Në vendin tonë aktualisht janë 931 persona aktivë me COVID19, kryesisht në Tiranë, Shkodër, Durrës?.<br /><br />Numri i përgjithshëm i të infektuarve që prej fillimi të epidemisë është 2330. Ministria e Shëndetësisë bëri apel që të respektohet distancimi sociaal dhe masat e tjera.<br /><br />?Nisur nga fakti se ditët e fundit po vihet re shtim i rasteve në aktivitete biznesi, ndërmarrje me shumë punëtorë, institucione publike dhe private, i bëjmë apel të gjithëve: Ju lutemi respektoni rregullat. E vetmja mënyrë për të ndaluar përhapjen e infeksionit është duke ruajtur distancën fizike prej 1.5 metër nga njëri tjetri, duke ruajtur higjienën personale dhe duke larë duart vazhdimisht, bizneset dhe institucionet duke respektuar protokollet e përcaktuara. Maskat janë një domosdoshmëri për t?u mbajtur kudo ku ambienti është i mbyllur, në spitale, qendra shëndetësore, dyqane, supermarkete, parukeri, taksi, ambiente pune, zyra shërbimesh dhe kudo në ambiente publike ku nuk ruhet dot distancimi?./tvklan.al<br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
