Lajme Arkiva 2000<br />Është mbledhur sot Kongresi i katërt i Partisë Socialiste. Punimet i çeli Sekretari i Përgjthshëm i kësaj partie Namik Dokle i cili mbajti raportin në emër të Komitetit të Përgjithshëm Drejtues. Dokle ka vlerësuar arritjet e deritanishme të qeverisë dhe partisë, ndërsa ka pohuar se Partia Socialiste duhet të veçojë prioritetet deri në fund të mandatit të saj. <br />Sekretari Dokle nënvizoi se janë hartuar strategji të privatizimit, strategjia e gjelbër, strategjia e sigurisë kombëtare si dhe një sërë strategjish të tjera, por rezulatet sërish sipas tij janë të ngadalta.<br />"Pse ndodh kështu? Pse në gjithë arritjet e mëdha kemi probleme me elektrikun, ujin e pijshëm, shkollat , spitalet dhe korrupsionin në privatizim? Shpesh ngadalësia vjen nga varfëria e mundësive, por po aq shpesh dhe nga varfëria e disa angazhimeve për zgjidhjen e problemeve dhe nga dinamika e ngathët realizuese."<br />Problemet tha Dokle grumbullohen pasi propozimet e partisë përfundojnë në koshat e administratës publike. Më tej ai ka nënvizuar se duhet bërë reformë në ushtri, dogana e të tjerë. Më pas e mori fjalën kryetari i Partisë Socialiste Fatos Nano i cili që në fillim iu referua komitetit të partisë.<br />"Rezultati është i qartë. Asnjë përçarje, asnjë efekt negativ në qeverisjen e vendit dhe mbi të gjitha asnjë socialist shqiptar i ftohur apo i larguar nga partia e vet."<br />Nano sot herë pas here ka vlerësuar kongresin e tretë të Partisë Socialiste jo për faktin se ai u rizgjodh kryetar, por për faktin se ky kongres në këndvështrimin e Nanos i ndahu socialistët nga politika ku vegjetimi vlerësohej. <br />Edhe Berisha kishte vend sot në kongresin e socialistëve, jo si kreu i demokratëve, por si ish President. <br />"Berisha dhe qeverisja e regjimit të tij nuk janë bazë krahasimi e përshtatshme."<br />Për të kuptuar se çfarë është Partia Socialiste, Nano tha:<br />"Partia Socialiste përfundimisht nuk është partia e doganierëve, e tenderuesve, e gjykatësve që shesin drejtësinë, e policëve që mbledhin gjoba jashtë ligjit, apo e hajdutëve dhe mashtruesve ordinerë."/tvklan.al<br /><br />Gazetare: Mimoza Picari<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
