http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Dy kokat e grupit kriminal që transportonin drogë nga Shqipëria drejt Italisë, Elton Hamza nga Orikumi dhe Robert Myftari nga Vlora, sipas sistemit TIMS rezultojnë te jene jashtë Shqipërisë.<br />SPAK konfirmon për Vizion Plus se ka nisur menjëherë hetimet në lidhje me këtë aktivitet ndërkombëtar të trafikut të drogës.<br />Ndërkohë burime policore shtojnë se hetimet po vijojnë pasi ka dyshime se ka edhe persona të tjerë të përfshirë në trafikun e madh të drogës, ku mendohet të jenë përfshirë edhe zyrtarë të policisë dhe të doganës.<br />Burimet gjithashtu shtojnë se kjo organizatë kishte 3 grupe kriminale, në Vlorë, Durrës dhe Dibër.<br />Grupi transportonte kokainë dhe kanabis me gomone oqeanike drejt Italisë, kryesisht në zonën e Barit dhe më pas vijonte shpërndarja në vendet e tjera në rrugë tokësore.<br />Antimafia italiane tha dje se janë arrestuar 37 persona, ku 30 prej tyre janë kapur në shtetin fqinj dhe 7 të tjerë në Shqipëri.<br />Gjithashtu mësohet se në Shqipëri bëhej dhe pastrimi i parave të grupit kriminal, kryesisht në qytetin e Vlorës.<br />Sipas autoriteteve italiane droga e sekuestruar në total gjatë aksioneve ishte me vlerë 40 milionë euro.<br />Ndër të tjera janë edhe 4 milionë euro pasuri të investuara me paratë e drogës në qytetin e Vlorës, në bar restorante, kompani kafeje, fabrika, si dhe 15 apartamente dhe 7 makina luksoze.<br />------------------------------------------------------------------<br />Subscribe: https://www.youtube.com/user/vizionplusalbania?sub_confirmation=1
