Lajme Arkiva - Tv Klan 2000<br /><br />Ministri i Brendshëm Italian Enzo Bianco për herë të parë sot vizitoi Shqipërinë. Takimin e parë Ministri i Brendshëm Italian e ka bërë në Ministrinë e Rendit Publik me kreun e saj Spartak Poçi. Në një takim kokë më kokë, ministri Bianco ka përgëzuar homologun Poçi, për punën e policisë shqiptare gjithnjë në rritje këto tre vjet. <br /><br />Ministri Bianco është shprehur se këtë vit, trafiku i klandestinëve është ulur deri në masën 50% dhe kjo si rezultat i punës së mirë të policisë shqiptare në bashkëpunim me policinë italiane. Në fund të takimit Poçi dhe Bianco kanë firmosur protokollin e ri të bashkëpunimit mes policisë shqiptare dhe asaj italiane, bashkëpunim që lë pas ndihmën e emergjencës dhe hap një fazë të re të marrëdhënieve ku kërkohet një luftë më cilësore ndaj mafias së përbashkët, fazë që do të zgjasë pesë vjet. <br /><br />Luftë kundër trafiqeve, prostitucionit, drogës, por dhe ndihmë logjistike dhe juridike për policinë shqiptare. Këto përbëjnë protokollin e ri të bashkëpunimit mes policive tona. Pas takimit me Poçin, Bianco është takuar me kryeministrin Meta, i cili i ka kërkuar ministrit italian projektimin e një qendre ndërkombëtare kundër trafiqeve. Ky propozim i Metës është pritur mirë nga Bianco, i cili e mbështeti atë. <br /><br />Takimet zyrtare kanë vazhduar më pas me presidentin Meidani, i cili i është drejtuar Biancos se ka nevojë të forcohet më shumë bashkëpunimi dhe të realizohen më shpejtë në praktikë idetë positive. Në fund një konferencë shtypi e përbashkët ka nxjerrë para gazetarëve dy ministrat e Brendshëm, të cilët folën rredh protokollit të ri të bashkëpunimit./tvklan.al<br /><br />Gazetar ? Eduart Frangaj <br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
