Pas karantinës, për shkak të COVID 19 të gjitha aktivitetet kulturore u pezulluan. Megjithatë, për herë të parë artistët do të luajnë përballë spektatorëve ditën e premte, në shfaqjen ?Testamenti i ri? me regji të Gëzim Kames, në skenën e Teatrit ?Kame? në Ibë.<br /><br /> ?Është takimi i parë i teatrit me spektatorët. Janë bërë shfaqje online, video, por kontakti i parë real është kjo shfaqje, ?Testamenti i ri?. Ka një aktualitet të jashtëzakonshëm?, shprehet Viktor Zhusti.<br /><br />Aktori Viktor Zhusti na rrëfen se në qendër të kësaj vepre të shkruar në vitet ?30 nga Sacha Guitry, është hipokrizia që ekziston në një marrëdhënie.<br /><br />?Ndihet sikur është shkruar tani, për familjen shqiptare edhe raportet në familje. Doktori Marcelin ka një familje, të krijuar para 20 viteve, por mesa duhet martesa është konsumuar?.<br /><br />Shfaqja ?Testamenti i ri? ku protagonistë është Viktor Zhusti, e përkrahë tij aktorët e Teatrit të Korçës, prezantohet ditën e premte, në datë 3 korrik, ora 20.30 në Teatrin ?Kame" në Ibë.
