Lajme Arkiva - Tv Klan 2000<br /><br />Kanë mbetur vetëm pak ditë për mbylljen e afatit të regjistrimit të popullsisë së Kosovës. Deri tani në Kosovë janë regjistruar rreth 930 mijë e 659 vetë dhe aplikimet e rreth 80 mijë vetëve janë ende duke u shqyrtuar. Shefi i regjistrimit pranë OSBE-së në Kosovë Xhef Fisher thotë për Tv Klan se regjistrimi po shkon drejt mbylljes në një mënyrë relativisht të mirë. <br /><br />Në Kosovë mendohet që të jetojnë rreth 1 milion e 900 mijë përsona nga të cilët duhet të regjistrohen 1 milion e 200 mijë. Gjatë dy javëve të fundit OSBE-ja ka ndërmarrë një fushatë të jashtëzakonshme publicitare që ka përfshirë të gjitha mediat. <br /><br />Fisher thotë, se tashmë shumë qendra votimi do të jenë të hapura edhe gjatë mbrëmjes në mënyrë që njerëzit që punojnë deri në orët e pasdites, të kenë mundësi të regjistrohen. Nga ana tjetër regjistrimi i serbëve duket se ka dështuar plotësisht. Ndërsa Ambasadori Amerikan në Kosovë Everts, thotë se afati i votimit në qendrat ku do të regjistrohen serbët do të shtyhet, Fisher thotë se ky afat nuk mendohet të shtyhet në vendet ku mendohet të regjistrohen shqiptarët. <br /><br />Megjithatë në datë 15 Korrik do të mbyllet regjistrimi për zgjedhjet lokale dhe pas kësaj monitorimi i procesit do t?i kaloj administratës civile. OSBE-ja sqaron se edhe pas 15 Korrikut, njerëzit mund të regjistrohen, por nuk mund të marrin pjesë në zgjedhje. Një fillim i mbarë do të ishte shumë i përshtatshëm për zyrtarët e huaj./tvklan.al<br /><br />Gazetare ? Mirela Milori <br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
