Vizitorët në qytetin historik të Krujës numërohen me gishtat e dorës.<br /><br />Pandemia e covid-19 e ka goditur ekonominë e qytetit më keq se sa viti i mbrapshtë '97.<br /><br />Unë e kam marrë dyqanin në vitin '92 por kjo situatë më e vështirë,. edhe 97 ka qenë kështu se ka pasur lëvizje ishin ushtarët e KFOR-it por edhe të huaj. Asokohe disa i mbyllën dyqane, por kjo si sot nuk ka ndodhur...,"- shprehet Fadil Rama, tregtar në pazarin karakteristik.<br /><br />Në rrugët e gurta të pazarit karakteristik mbizotëron heshtja.<br /><br />Suoveniret dhe produktet e ndryshme artistike flenë në vitrina.<br /><br />Shumë prej dyqaneve u është vënë dryni. Ata që dalin në punën vetëm mbijetojnë.<br /><br />"Gjatë këtyre 3 muajve s'kemi punuar fare, njerëz s'ka pasur, pazarin se keni parë kurrë kaq bosh. Ne shpresojmë të hapen kufijtë se kjo është periudha e turizmit,"- tha Fazan Berhami.<br /><br />Por jo vetëm tregtarët, edhe artizanët kanë mbetur pa punë, pasi kur nuk ka shitje, nuk ka as prodhim.<br /><br />"Familjet që bëjnë punime artistike janë pa punë, ne gjithashtu. Një situatë të tillë jo unë por as babai im se mban mend,"- shprehet Zimir Berberi, që gjithashtu punon në këtë pazar.
