Report TV i është rikthyer sërish shqetësimit për ndotjen e lumenjve. Gazetari Arsen Rusta ishte sot në lumin Çekrez në zonën e Kamzës, aty ky situata është shumë alarmanete.<br /><br />Edhe pse bashkia e Kamzës ka vendosur një tabelë që mbeturinat të mos hidhen aty, për ironi nuk ka një kosh se ku duhet të depozitohen këto mbeturina.<br /><br />Kjo zonë është një landfill i hapur edhe pse është një ambient publik. Mbetjet janë nga më të ndryshmet, por mbizotërojnë inerte ndërtimi.<br /><br />Banesat në këtë zonë janë shumë afër lumit dhe duke qenë se nuk ka asnjë kosh, ata janë të detyruar që mbeturinat ti hedhin në lumë.<br /><br />Ky është realiteti, ndërkohë deri në një përgjigje nga ana e institucioneve dhe bashkisë së Kamzës, kjo situatë do të vazhdojë të jetë në këtë gjendje.<br /><br />Report Tv edhe më herët ka trajtuar çështjen e mbetjeve dhe ndotjes së zonave përgjatë lumit të Tiranës.
