#tvora #rtvoranews<br /><br />Dy mjekët Viktor Marku dhe Besim Lama, të cilët mjekuan Eduart Lamajn, autorin e dyshuar të vrasjes së dyfishtë në Laç janë lënë të lirë. Gjykata e apelit i ka ndryshuar masën e sigurisë nga arrest me burg në detyrim paraqitje. Ata u akuzuan për moskallëzim krimi dhe veprime që pengojnë zbulimin e të vërtetës.<br /><br />Besim Lama dhe Viktor Marku, dy mjekët të cilët u arrestuan se mjekuan Eduart Lamajn, autorin e dyshuar te vrasjes së dyfishtë në Laç janë liruar nga qelia.<br /><br />Trupa gjykuese e kryesuar nga Ridvan Hado në gjykatën e apelit ka ndryshuar masën e sigurisë nga arrest me burg në ?detyrim paraqitje? për dy mjekët.<br /><br />Pavarësisht ndryshimit të masës, mjekët përmes avokatëve të tyre, mësohet se do të bëjnë rekurs në Gjykatën e Lartë, ku do të kërkojnë revokim e masës së sigurimit, e cila do ti hapte rrugën pushimit të çështjes në ngarkim të tyre me pretendimin që fakti nuk përbën vepër penale.<br /><br />Mjekët Besim Lama dhe Viktor Marku dyshohet se morën një shumë prej 10 mijë eurosh për të operuar Lamajn në një klinikë private pa e denoncuar, ndaj policia i vuri në prangat duke i ngritur akuzat ?moskallëzim krimi? dhe ?veprime që pengojnë zbulimin e së vërtetës?.<br /><br />Por avokatët mbrojtës të mjekut ortoped nga Lezha dhe kirurgut të Spitait të Traumës pretendojnë se klientët e tyre nuk kishin dijeni se ai ishte vrasës i dyshuar.<br /><br />Ndërkohë, më herët mjeku Marku është shprehur se ka qenë i detyruar që të ndërhynte pasi gjendja shëndetësore e te plagosurit ishte e rëndë, e ndërsa Lama ka deklaruar se nuk ka ndërhyrë, pasi nuk është specialist i fushës.<br /><br />Sipas avokatëve mbrojtës mjeku Lama referoi rastin, nuk takoi Eduart Lamajn, ndërsa mjeku tjetër, Viktor Marku shpëtoi jetë.<br /><br />Eduart Lamaj akuzohet për ekzekutimin e biznesmenëve Paulin Gjergji dhe Bujar Likaj më 30 maj në një hotel të Kurbinit.<br /><br />Për këtë ngjarje aktualisht në burg ndodhet Eduart Lamaj, dhe Ilir Xhepaj, një njeri me të shkruar kriminale, teksa në kërkim vijojnë që të jenë Elson Aliaj dhe Klaudio Perkola.<br /><br />Për më shumë lexoni në: https://www.oranews.tv/lirohen-mjeket-qe-operuan-vrasesin-e-biznesmeneve-ne-kurbin/<br /><br />Follow TV Ora dhe RTV Ora News<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp <br /><br />Për më shumë na ndiqni në: www.oranews.tv
