#tvora #rtvoranews<br /><br />Pas më shumë se 3 muajsh pushim, Komisioni Hetimor për Presidentin Ilir Meta zhvilloi sot mbedhjen, ku deklaroi të mbyllur hetimin.<br /><br />Kryetari Ulsi Manja referoi provat e administruara. Pjesë e dosjes së hetimit do të jetë edhe raporti i Venecias.<br /><br />Ai tha se raporti i Komisionit Hetimor për ligjshmërinë e veprimeve të Presidentit do të jetë gati me 18 korrik dhe do ti shkojë seancës plenare brenda afatit që ka përcaktuar Kuvendi, 30 korrik 2020.<br /><br />Komisioni caktoi si relatorë të çështjes deputetët Bushka dhe Valteri, të cilët do të hartojnë raportin paraprak për Komisionin Hetimor lidhur me gjetjet e këtij hetimi.<br /><br />Manja u la si detyrë relatorëve që në 17 korrik të përmbyllin raportin paraprak, ku edhe do të prezantohet.<br /><br />Ndërsa ditën e hënë, 20 korrik, Komisioni do të zhvillojë mbledhjen e fundit për diskutimin dhe miratimin e raportit.<br /><br />Manja: Para se të përgatitet raporti përfundimtar i Komisionit më duhet ta deklaroj të mbyllur hetimin administrativ sipas planit të hetimit. Data 17, dita e premte do të duhet të jetë afati kur relatorët të na sjellin raportin paraprak që ditën e hënë të zhvillojmë diskutimin dhe miratimin e raportit përfundimtar për seancën plenare.<br /><br />?Pa e paragjykuar mund të dalë 1 raport, por mund të jetë 1 raport me 2 mendime, sepse në këtë komision hetimor kemi përbërje mazhorancë-opozitë. Komisioni duhet të miratojë me vendim përfundimtar, raportin përfundimtar të hetimeve, i cili përmban konkluzionet e hetimit, provat që kanë çuar komisionin në këto konkluzione, si dhe propozimet për zgjidhjen e çështjes, ose masa ndëshkimore për personat përgjegjës, nëse ka të tillë.?<br /><br />?Karta? e mazhorancës, dekreti për zgjedhjet e 30 qershorit<br /><br />Situata për shkak të pandemisë ka sjellë ndryshime të shumta në lidhje me çështjet që ky komision ka administruar.<br /><br />Raporti i Komisionit të Venecias, i cili i jepte të drejtë kreut të shtetit për emërimet në kushtetuese do të jetë mbi tavolinën e deputetëve.<br /><br />Meqenësë vetë Kuvendi i është drejtuar Venecias për këtë çështje, mazhoranca nuk e ka më një kauzë për të kërkuar shkarkimin e Ilir Metës nga posti i Presidentit.<br /><br />Megjithatë pas dështimit me nismën e parë ligjore për t?i hequr të drejtën Metës për betimin e gjyqtarëve dhe prokurorëve, mazhoranca po punon që këtë çështje ta depozitojë si amendament kushtetues.<br /><br />Meqë për hapjen e listave, PS është e gatshme t?i japë votën opozitës parlamentare, për amendamentet e tyre kushtetuese mund të kërkojë t?i kthehet nderi me të njëjtën monedhë.<br /><br />E vetmja çështje që mazhoranca kapet pas shkarkimit të presidentit është dekreti për zgjedhjet e 30 qershorit.<br /><br />Ndryshe nga qëndrimi i PS për raportin e Venecias për Kushtetuesen, në lidhje me opinionin për dekretin e Metës për zgjedhjet, socialistët e interpretojnë ndryshe, pavarësisht se në të thuhet që nuk është në kushte për shkarkim.<br /><br />Deri me 30 korrik, kur i përfundon afati i punës së komisionit, kuvendi do të vijojë me procedurat parlamentare, pavarësisht se kërkesa për largimin e...
