Lajme Arkiva - Tv Klan 2000<br /><br />Miqtë e Shqipërisë kanë aprovuar sot raportin përmbledhës mbi ecurinë e deritanishme të procesit zgjedhor. Të mbledhur në Ambasadën Gjermane ata kanë diskutuar gjerësisht për asistencën zgjedhore si dhe vëzhguesit që do të vijnë në Shqipëri për zgjedhjet lokale. <br /><br />OSBE dhe ODHIR, kanë pranuar kërkesën e qeverisë shqiptare për të vendosur një mision prej më shumë se 20 vëzhguesish afatgjatë nga fundi i Gushtit dhe 150 vëzhgues afatshkurtër në fund të Shtatorit. Komponenti i SHBA-së do të funksionojë nën ODHIR, ndërsa Këshilli i Europës, planifikon të dërgojë 10 deri në 15 vëzhgues afatshkurtër. <br /><br />Miqtë e Shqipërisë kanë nënvizuar si të një rëndësie vendimtare përmbushjet e të gjitha detyrimeve nga Komisioni Qendror i Zgjedhjeve. Sipas tyre ky komision ka nevojë për mbështetje financiare ashtu dhe teknike, nga institucionet ndërkombëtare sa më shpejtë të jetë e mundur. Menjëherë pas takimit ambasadori i OSBE-së Gert Ahrens ka dalë përpara gazetarëve. <br /><br />Gert Ahrens:- ?I gjithë komuniteti ndërkombëtar është përfshirë për zgjedhjet lokale në Shqipëri dhe ka bërë çfarë është e mundur të qëndroj neutral. OSBE është përpjekur të luajë rolin e një ndërmjetësi të ndershëm dhe nuk është bërë palë me asnjë krah politik. Ne nuk do të lejojmë asnjë njeri të veprojë ashtu siç do ai?.<br /><br />Më tej Ahrens tha, se është arritur të merret një marrëveshje nga të gjitha palët për kodin elektoral si dhe ka përgëzuar pozitën dhe opozitën për bashkëpunimin për regjistrin e popullsisë. Ndërkohë OSBE, dy projektligjet mbi reformën administrative territoriale të kontestuar nga opozita, i ka cilësuar plotësisht të specifikuara sipas Kushtetutës./tvklan.al <br /><br />Gazetare ? Ornela Bego <br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
