Lajme Arkiva - Tv Klan 2000<br /><br />Tirana kryeqyteti i Shqipërisë, duke nisur nga dita e nesërme ligjërisht do të administrohet ndryshe. Pushtetarët lokalë që do të zgjidhen më 1 Tetor, do të kenë në duar ligjin për organizimin dhe funksionimin e bashkisë së kryeqytetit. Sipas draftit të ri, kryeqyteti shqiptar do të ndahet në 11 njësi bashkiake. 306 këshilltarë nga të cilët 55 në këshillin e bashkisë dhe 251 në këshillat e njësive bashkiake. <br /><br />Hartuesit e këtij drafti mbrohen me argumentin e shtimit të popullsisë së Tiranës dhe që qeverisja të jetë sa më afër banorëve, për të zgjidhur problemet kryesisht të çështjeve publike. Opozita kundërshton me argumentin, se për ndarjen e Tiranës, duhen pyetur në referendum banorët e saj. Kundërshtohet zgjedhja e 11 kryetarëve të njësive bashkiake me votim nga populli, pasi sipas tyre krijohet konflikti institucional mes njerëzve të votuar dhe shuhet hierarkia. <br /><br />Në Shtator të vitit 1992, Tirana është ndarë në 11 njësi administrative, por pa organet e qeverisjes vendore dhe me kompetenca të pakta për administratorët. Ndërsa sipas projektligjit të ri, bashkia në qendër do të shpërndajë fondet dhe do të kontrollojë përdorimin e tyre në njësitë bashkiake. Çdo njësi bashkiake në kryeqytet administron lulishtet, tregjet, kopshtet, shkollat, çerdhet dhe ambulancat. <br /><br />Nesër parlamenti në përfundim të sezonit parlamentar do të vendosë për ndarjen e Tiranës, propozuar nga kabineti Meta./tvklan.al<br /><br />Gazetar ? Vladimir Lame <br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
