Është finalizuar aksioni për kapjen e gomones në Vlorë e cila sot bëri që të ngrihej në këmbë e gjithë policia shqiptare atje, por edhe forcat italiane, të cilat me anë të Guarda di Finaza iu vunë nga pas.<br /><br />Ka qenë një ndjekje më shumë se pesë orësh dhe gomonia është gjetur e braktisur në grykëderdhjen e lumit Vjosë. Tre skafistët që ishin në të kanë tentuar të largohen në pyllin Mifol, aty ku po zhvillohet një operacion për kapjen e tyre. Në gomone nuk është gjetur drogë, ndërsa mendohet se është hedhur në det gjatë ndjekjes.Para se të ndalohej gomonia ka shkuar deri në Otranto, aty ku i ka humbur për pak çaste Guarda di Finanza-s, skafit ndjekës dhe patrullës shqiptare. Në ndjekje të gomonës ishin vënë Guarda di Finanza, policia kufitare, forcat delta, rojet bregdetare, dronë dhe një helikopter.<br /><br />Burime bëjnë me dije se efektivë të Guarda di Finanza prej kohësh kishin vënë në monitorim gomonen në fjalë, ndërsa qëllimisht është lënë të bëj transportin deri në brigjet e Italisë para se të kthehej në Vlorë dhe më konkretisht në ishullin e Sazanit, nga ku fillimisht nisi operacioni për ndalimin e saj në 7 të mëngjesit.<br /><br />Ndjekja ka zgjatur për më shumë se 5 orë për shkakun se gomonia 11 metra e gjatë kishte dy motorë të fuqishëm. Ajo gjatë ndjekjes ka përshkruar vijën bregdetare deri në Durrës, ndërsa më pas ka përfunduar e braktisur në grykëderdhjen e lumit Vjosë.
