#tvora #rtvoranews<br />Gjykata ka dhënë masën e sigurisë për 14 mjekët të cilët akuzohen se kanë krijuar një skemë të përfitimit të parave me anë të tamponëve të covid 19. Ata akuzohen se merrnin 5 deri në 10 mijë lekë të reja për çdo rast ndërmjetësimi.<br /><br />Ora News ka zbardhur ekskluzivisht dosjen hetimore ndaj 14 mjekëve, ku saktësohen të gjitha veprimet e tyre. Rol kryesor në këtë skemë korruptive akuzohet se kishte Niko Nika, me profesion mjek në institutin e higjienës. Sipas dosjes, ai kontaktohej nga qytetarët, të cilët i dërgonte tek mjekja Eda Myftari dhe interesohej për kryerjen e tamponit.<br /><br />Një rast konkret është i dy shtetasve rus, të cilët janë bllokuar në Shqipëri dhe u duhej tamponi në kufi. Atyre u kërkohet që testin ta bëjnë në rrugë private, kundrejt shumës 15 mijë lekë. Sipas dosjes e njëjta skemë është përsëritur disa herë nga mjekët. Krahas pagesave për tamponin, mjekët kërkonin para nga subjektet tregtare që i konstatonin në shkelje të higjienës.<br /><br />Prokuroria në dosjen e saj ka dokumentuar 3 raste të marrjes së ryshfetit. Rastet janë në supermarketin Alb-Market, klinika dentare tek Zogu i Parë, si dhe subjekti Rrezet e Jetës në rrugën Tiranë-Elbasan. Madje përgjimet telefonike konstatojnë se ideatori i kësaj skeme, Niko Nika telefonon një person me ermin Gjergji, të cili i thotë që jemi nisur për kontroll dhe të rregullojë e pastrojë ambientin.<br /><br />Në gjitha përgjimet telefonike të administruara tashmë nga gjykata, flitet për pazare mes mjekëve dhe subjekteve të ndryshme. Në disa episode, siç është rasti konkret ku kërkohen libreza shëndetësore, qytetarëve u kërkohet shuma prej 15 mijë lekësh. Por qytetarët negociojnë për çmimin, por siç duket dhe nga këto përgjime, mjekët janë të prerë për çmimet fikse.<br /><br />Për më shumë lexoni në: https://www.oranews.tv/zbardhen-pergjimet-e-mjekeve-2-ruse-kerkuan-tamponin-anticovid-fatura-14-mije-leke/<br /><br />Follow TV Ora dhe RTV Ora News<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp <br /><br />Për më shumë na ndiqni në: www.oranews.tv
