#tvora #rtvoranews<br /><br />Ashtu siç kishte njoftuar, Presidenti i Kosovës Hashim Thaçi ju drejtua mbrëmjen e sotme qytetarëve të Kosovës me një fjalim nga Presidenca lidhur me 24 orët e marrjes në pyetje nga Prokuroria Speciale e Hagës lidhur me akuzat për krime lufte të ngritura ndaj tij.<br /><br />Që në krye të herës, Thaçi u kujdes të kujtonte se liria e Kosovës është vulosur nga gjaku i atyre që ranë për lirinë dhe se akuzat ndaj tij dhe ish-luftëtarëve të tjerë të UÇK-së janë të fabrikuara.<br /><br />Presidenti theksoi se ky proces jo vetëm që nuk do ta rishkruajë këtë histori të shkruar me gjakun dhe sakrificën e një populli të tërë në luftën për liri, por përkundrazi, ky proces, cilado qoftë rrjedha dhe kohëzgjatja e tij, do të vulosë njëherë e përgjithmonë rolin historik të UÇK-së si një rol i pazëvendësueshëm dhe i patjetërsueshëm për lirinë e fituar për të gjitha gjeneratat që do ta gëzojnë Kosovën si shtet të pavarur dhe demokratik.<br /><br />Presidenti nënvizoi rëndësinë që interesi i Kosovës duhet të prevalojë mbi çdo interes tjerë personal apo dallim partiak.<br /><br />Në një zë, tha Thaçi, duhet të flasin edhe botës dhe të zhvillojnë dialogun me Serbinë me një unitet shembullo siç e kishin në Rambuje, në Vjenë dhe në Bruksel.<br /><br />Duke i falenderuar të gjithë qytetarët për mbështetjen ndaj tij, kreu i Shtetit të Kosovës i garantoi se në ballafaqimin me drejtësinë në Hagë do të dalë i pastër si loti.<br /><br />Presidenti Thaçi u kthye mbrëmë nga Haga ku për 4 ditë rresht nga 6 orë në ditë u intervistua nga Dhomat e Specializuara.<br /><br />Për më shumë lexoni në: https://www.oranews.tv/thaci-i-drejtohet-popullit-pas-intervistimit-ne-hage-historia-eshte-vulor-me-gjakun-e-nje-populli-per-liri/<br /><br />Follow TV Ora dhe RTV Ora News<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
