Lajme Arkiva 2000<br />Kryeministri Meta ka shkuar sot në komunën e Bubqit në Krujë ku ka prerë dy shirita, atë të ujësjellësit dhe rrugës së re. Kryetari i komunës së Bubqit ka kërkuar ngritjen e dy shkollave të reja si dhe rehabilitimin e ujitjes nga Ministria e Bujqësisë. Për të gjitha këto tha ai, projektet i kemi gati. Kryeministri premtoi se do të përpiqet që të gjitha problemet të zgjidhen sa më shpejt. Kështu 7500 banorët e kësaj komune do të kenë ujë të bollshëm në shtëpi edhe për ujitje.<br />Gjithashtu nëpërmjet rrugës së re prej 14 kilometrash, do të shtojnë lidhjet me zonat përreth. Më tej kryeministri ka vazhduar turin e tij në këtë zonë me një vizitë në fondacionin "Betania" i cili kujdeset për fëmijët jetimë e veçanërisht për ato të policëve të vrarë. Në këtë qendër jetojnë 26 fëmijë të cilët kanë ardhur nga të gjitha rrethet e vendit. Përpara kryeministrit, presidentja e këtij fondacioni ka bërë publik vendimin e saj për të dhënë pension të përhershëm dy fëmijëve të Kolonel Arben Zylyftarit, vrarë disa ditë më parë në Shkodër.<br />Ky fondacion tha kryeministri, por dhe të tjerë të këtij lloji që u lehtësojnë dhimbjen njerëzve dhe veçanërisht fëmijëve, do të kenë vazhdimisht mbështetjen e qeverisë. Fëmijët që jetojnë në këtë qendër kanë improvizuar një koncert të shkurtër për të përshëndetur kryeministrin./tvklan.al<br /><br />Gazetare: Ornela Bego<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
