#tvora #rtvoranews<br /><br />Vetëm përgjatë 48 orëve të fundjavës, policia rrugore ka hequr 159 patenta shoferëve që thyen rregullat e qarkullimit. Përgjatë fundjavës, policia bën me dije se janë regjistruar dhe aksidente me pasoja, si pasojë e shkeljes së rregullave rrugore. INSTAT bëri publike këtë të hënë të dhënat e aksidente përgjatë 6 mujorit të këtij viti si dhe për muajin qershor.<br /><br />?Kontrollet e policisë gjatë fundjavës në disa prej akseve rrugore në vend kanë konstatuar shkelje të normave të shpejtësisë së lejuar, ndaj shumë drejtues janë ndëshkuar me heqje patente. Shpejtësia maksimale e konstatuar nga ana e policisë ka qenë 170 km/h?.<br /><br />Përgjatë 48 orëve të fundit, nga vëzhgimet e kryera me radarë dhe nga pikat e kontrolleve të vendosura në disa prej akseve rrugore, policia bën me dije se ka hequr 159 patenta.<br /><br />Efektivët e patrullave kanë konstatuar shkelje të ndryshme, ku 37 prej të patentave janë pezulluar për drejtim mjeti nën efektin e pijeve alkoolike, 94 për shpejtësi tej normave të lejuara, si dhe 28 prej tyre për qarkullim në sens të kundërt.<br /><br />Shpejtësia më e lartë është konstatuar 170 km/h por disa raste të tjera shoferët qarkullonin dhe me shpejtësi 152 apo 162 km/h. Ndaj policia përveç heqjes së patentave për drejtuesit e mjeteve ka ndëshkuar me masë administrative dhe 4458 shoferë.<br /><br />Përgjatë fundjavës krahas ndëshkimeve të policisë, janë regjistruar dhe 15 aksidente rrugore. Një prej aksidenteve ka rezultuar fatal për një qytetar, 1 tjetër ka mbetur i plagosur rëndë, ndërsa 17 të tjerë kanë marrë plagë të lehta.<br /><br />Ndërkohë këtë të hënë instituti i statistikave ka bërë publike të dhënat për situatën e aksidenteve përgjatë muajit qershor, por dhe për 6 mujorin e parë të vitit 2020. Sipas INSTAT, në muajin qershor u shënuan 115 aksidente nga 131 që ishin përgjatë të njëjtin muaj të vitit 2019, ku si pasojë humbën jetën 16 persona nga 26 persona krahasuar me vitin e shkuar.<br /><br />Sipas INSTAT, kufizimi i lëvizjeve gjatë muajve të karantinës duket se ka dhënë një efekt të përgjithshëm edhe tek numri i aksidenteve dhe fatalitetet në rrugë.<br /><br />Kështu në gjashtëmujorin e parë të këtij viti, numërohen 505 aksidente nga 714 aksidente përgjatë 6 mujorit të parë të të 2019.<br /><br />Numri i të aksidentuarve në gjashtëmujorin e parë të vitit 2020, është 656 persona nga 960 persona, ku si pasojë humbën jetën 75 persona nga 102 që ishin në të njëjtën periudhë të vitit të shkuar.<br /><br />Për më shumë lexoni në: https://www.oranews.tv/policia-ben-kerdine-me-gjoba-heq-159-patenta-ne-fundjave/<br /><br />Follow TV Ora dhe RTV Ora News<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
