#tvora #rtvoranews<br /><br />Ora News ka siguruar përgjime të tjera të kryera nga hetuesit ndaj 14 mjekëve që akuzohen për shpërdorim detyre, duke siguruar përfitime personale. Rasti konkret është kontrolli në supermarketin Alb-Market që është konstatuar pa higjienë dhe duke shitur kripë ilegalisht. Sipas dosjes, mjekët kanë marrë para edhe për raste të tjera që u siguronin libreza pa iu nënshtruar analizave dhe kontrolleve në qendrat shëndetësore.<br /><br />SPAK ka kryer hetime të thelluara për 14 mjekët që inspektonin bizneset për respektimin e masave anti-Covid dhe përmes ryshfetit shmangnin gjobat.<br /><br />Nga hetimet është vërejtur se mjekët e akuzuar ushtronin kontrolle në hotele, furra buke, markete e subjekte të tjera, ndërsa më pas ushtronin ndikim tek personat e tjerë dhe falsifikonin dokumente sikur nuk kanë konstatuar shkelje.<br /><br />Një prej subjekteve që është konstatuar me shkelje është dhe supermarketi Alb-Market.<br /><br />Dy inspektorët Evald Bejaj dhe Johana Sinani kanë ushtruar kontroll tek filiali në rrugën ?Jordan Misja?, ku kanë gjetur shkelje në disa produkte, dhe nuk kanë ndëshkuar subjektin.<br /><br />Në përgjimet e zbardhura nga prokuroria thuhet se Johana Sinani është telefonuar nga Niko Nika me funksion mjek pranë Institutit të Higjienës, i cili i ka thënë se pronari i subjektit është i njohuri i tij dhe i ka sugjeruar ta shohë me kujdes.<br /><br />Në përgjime del se Johana i thotë se ishte copë-copë, madje tek njëra pikë nuk kishte higjienë, ndërsa tek pika në fjalë iu fshehën faktin e tregtimit të një sasie kripe të padeklaruar.<br /><br />Ajo thotë që ia kanë mbyllur në rregull dhe ai i komunikon që do t? ju thotë për një kafe.<br /><br />Sipas dosjes, fakti që dy inspektorët kanë qenë për kontroll tek ky subjekt provohet nga pamjet filmike te marra nga vetë ky subjekt, si dhe nga transkriptet e komunikimeve të bisedave të kryera ndërmjet personave nën hetim Johana Sinani dhe Niko Nika.<br /><br />Mjekët inspektorë të akuzuar gjithashtu kundrejt ryshfetit lëshonin libreza shendetësore për punonjësit e bizneseve të ndryshme pa u paraqitur fare, të cilët më parë duhet t?i nënshtroheshin analizave dhe vizitave.<br /><br />Rasti konkret është i subjektit Vila-Shehi, ku kërkohen që disa punonjës të pajisen me libreza shëndetësore, me çmim 15 mijë lekë copa.<br /><br />Nga përfaqësuesi i subjektit kërkohet ulje pasi dezinfektimin mund ta bëjnë vetë, por Niko Nika i thotë që më lirë nuk ka pasi çmimi i tregut është më i lartë.<br /><br /><br /><br />Për më shumë lexoni në: https://www.oranews.tv/ora-news-zbardh-pergjime-te-tjera-te-dosjes-se-mjekeve-te-korruptuar-merrnin-para-nga-bizneset/<br /><br />Follow TV Ora dhe RTV Ora News<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp <br /><br />Për më shumë na ndiqni në: www.oranews.tv
