?Përderisa në komunat e tjera po punohet intensivisht dhe po hapen projekte të reja, në komunën e Tetovës projekti i filluar për hapjen e bulevardit tek qendra sportive ka stagnuar?.<br /><br />Bulevardi V.S Bato, filloi të ndërtohet në shkurt të këtij viti, por vetëm pas disa ditësh, punët u ndërprenë me arsyetimin se për shkak të pandemisë, realizimi i projektit nuk mund të vazhdojë.<br /><br />Ashtu dukej edhe sot, ekskavatorët ishin të parkuar ndërsa punëtorë nuk ishin në terren.<br /><br />Banorët e lagjes thonë se një gjë e tillë ishte e pritur. Bulevardi V.S Bato nuk është i vetmi që ka filluar dhe ka mbetur në gjysmë, andaj nuk shpresojnë se do bëhet shpejtë edhe ky bulevard.<br /><br />?Ne kemi shumë rrugë që presin prej kur është bë sistemi demokratik. Partitë shqiptare gjithnjë na kanë rrejt. Veç për vota thonë se do e kryejmë do e bëjmë do e rregullojmë i rrethojmë ato gropat e vogla me spreje, e bëjmë Tetovën e gjelbër mirëpo ja kur shohim asgjë s`ka. Nuk është vetëm kjo rrugë, edhe 20 metra më tutje rruga afër 200-300 metra është krejt gropa dhe i shkatërrum veturat e reja?.<br /><br />?I fillojnë dhe i lënë në gjysmë, asgjë s`kanë bëre. Kjo rrugë dëmton shumë, çdo dy muaj duhet t?i rregullojmë makinat?.<br /><br />Ekipi i televizionit Alsat tentoi të merr qëndrim edhe nga sektori për Rrugë dhe tokë ndërtimore, por nuk morëm përgjigje. Fatin e njëjtë e kanë edhe disa rrugë dhe bulevarde të tjera, siç është Bllagoja Toska, Bulevardi tek Kazerma e qytetit si dhe një pjesë e madhe e rrugëve në lagjet e vogla brenda qytetit.<br /><br />Bashkim Sulejmani
