Një pjesë e Strugës edhe këtë verë po përballet me problemin e vjetër, mungesën e ujit të pijshëm nga sistemi ujësjellësit të qytetit. Struga, e cila i ka ujërat edhe të Liqenit të Ohrit dhe të lumit Drini i Zi, por nuk ka furnizim të rregullt me ujë për të gjithë banorët e saj. Qytetarët që jetojnë në lagjen "Misleshevski Pat", thonë se më shesh ujë nuk kanë gjatë ditës.<br /><br />"Në mëngjes e lëshojnë deri në orën 10-11 dhe pastaj mbaron. Mbushim shishe plastike, impiante me energji diellore për tu ngrohur ujin, që më pas të bëjmë dush. Ngrihemi në orën 12-01 të mesnatës, atëherë e lëshojnë, jemi bërë si lugetër për një pik ujë ... Çdo vit fëmijët e mi vijnë nga jashtë, dhe nuk kanë ujë për të pirë."<br /><br />"Nuk e di se çfarë do të bëjmë. Në mëngjes vjen pak. Tani nuk ka. Nuk mund të laheni. Do të fillojmë të mos paguajmë".<br /><br />Ka problem me presionin e ulët në katet më të larta në disa ndërtesa në të gjithë Strugën, ndërsa ujë të mjaftueshëm nuk ka as në disa prej fshatrave të Strugës.<br /><br />"Kështu ka qenë edhe vitin e kaluar dhe këtë vit. I tejkaluan të gjithë kufijtë. Kam qenë tek Ujësjellësi edhe vitin e kaluar. Na thonë se nuk ka ujë dhe askush nuk po merr masa".<br /><br />Nga Ndërmarrja Publike Ujësjellësi dhe Kanalizimi -Strugë, thonë se problemi është si pasojë e zgjerimit të qytetit, në të njëjtën kohë u bëjnë thirrje qytetarëve që të përdorin ujin në mënyrë racionale. Një problem shtesë është edhe fluksi i zvogëluar i burimeve në fshatin Gorna Belica prej vetëm 60%, nga ku një pjesë e Strugës furnizohet me ujë.<br /><br />Miki Trajkovski
