Mijëra protestues u mblodhën të shtunën në rrugët e qytetit lindor Khabarovsk të Rusisë, në fundjavën e tretë me radhë, për të shfaqur pakënaqësinë ndaj largimit nga puna të guvernatorit Sergei Furgal.<br /><br /><br />Protestat po shihen si sfidë në rritje ndaj presidentit rus Vladimir Putin, pasi roli i tij në largimin e guvernatorit shkaktoi një krizë rajonale.<br /><br />Shumë nga protestuesit kanë kërkuar dorëheqjen e Putinit. Disa e kanë quajtur të turpshëm emërimin e zëvendësuesit të guvernatorit nga ana e Putinit.<br /><br />Autoritetet njoftuan se rreth 6,500 persona morrën pjesë në protestë. Mediat lokale thanë se pjesëmarrës ishin 20,000 persona.<br /><br />Por, protestuesit dhe disa gazetarë të pavarur thanë se në protestë kanë marrë pjesë më shumë se 50,000 persona, duke e bërë këtë protestën më të madhe anti-qeveritare në vend.<br /><br />Më 9 korrik, Sergei Furgal u arrestua para kamerave dhe aktualisht ndodhet në paraburgim në Moskë. Politikani akuzohet, se para 15 vjetësh ka qenë i përfshirë në një seri vrasjesh. Ai vetë i hedh poshtë të gjitha akuzat. Përkrahësit e Furgal dyshojnë për një largim nga detyra me motive politike.<br /><br />Ndryshe, paralajmërimet e autoriteteve për rrezikun nga koronavirusi nuk i kanë ndalur protestat masive në Rusi, derisa Kremlini po tenton të rimëkëmbë ekonominë.<br /><br />Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. ? Informohu i pari? , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. <br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2Y15KwK <br />For more content from click HERE: www.top-channel.tv <br />Like Top Channel on Facebook HERE: http://bit.ly/2FglWTs <br />Follow Top Channel on Instagram HERE: http://bit.ly/2uaYG2U <br />Follow Top Channel on Twitter HERE: http://bit.ly/2TJndeH <br />#Russia#Proteste#TopChannel
