Pelegrinazhi vjetor i Haxhit është duke nisur të mërkurën në Arabinë Saudite, ndonëse me numër shumë më të vogël të besimtarëve myslimanë, për shkak të pandemisë me koronavirus.<br /><br /><br />Rituali pesëditor është një prej pesë shtyllave të Islamit dhe detyrë që duhet ta kryejë një herë në jetë secili mysliman që ka aftësi fizike dhe mund ta përballojë udhëtimin.<br /><br />Çdo vit, më shumë se 2 milionë pelegrinë nga 180 vende të botës udhëtojnë në Mekë, në atë që zakonisht është një prej organizimeve më të mëdha fetare.<br /><br />Megjithatë, këtë vit, pandemia me koronavirus ka ndryshuar mënyrën e organizimit.<br /><br />Fluksi i njerëzve që vizitojnë zonat fetare gjatë pelegrinazhit ka rrezikuar përhapjen e koronavirusit në territorin saudit.<br /><br />Sipas të dhënave të Universitetit Johns Hopkins, Arabia Saudite ka regjistruar më shumë se 270,000 raste të infektimit dhe 2,789 vdekje, si pasojë e koronavirusit.<br /><br />Ministria për Haxh dhe Umrah e Arabisë Saudite ka thënë muajin e kaluar se vetëm ?një numër i kufizuar i myslimanëve? që jetojnë në Arabinë Saudite, do të mund të jenë pjesë e organizimit.<br /><br />Është raportuar se numri i besimtarëve në Haxhin e këtij viti do të jetë nga 1,000 deri në 10,000.<br /><br />Vendimi për të mos lejuar pelegrinë nga vendet tjera, përveç atyre në Arabinë Saudite nga kryerja e Haxhit, është i pari në historinë moderne të mbretërisë saudite.<br /><br />Kulmi i ritualit të Haxhit këtë vit bie më 30 korrik, ka thënë një agjenci e lajmeve saudite.<br /><br />Koha e Haxhit vendoset varësisht nga pozita e Hënës, në përputhje me kalendarin hënor islam.<br /><br />Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. ? Informohu i pari? , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. <br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2Y15KwK <br />For more content from click HERE: www.top-channel.tv <br />Like Top Channel on Facebook HERE: http://bit.ly/2FglWTs <br />Follow Top Channel on Instagram HERE: http://bit.ly/2uaYG2U <br />Follow Top Channel on Twitter HERE: http://bit.ly/2TJndeH <br />#ArabiaSaudite#Haxh#TopChannel
