Edhe gjatë muajit gusht nuk do të hiqen kushtet për lëvizjen e qytetarëve mes vendeve fqinje. Komisioni për sëmundje infektive vlerëson se vendet rreth nesh janë në një situatë të rënduar epidemiologjike të shkaktuar nga CoVid-19. Kreu i këtij Komisioni, Zharko Karaxhovski tha se testi PCR-negativ jo më i vjetër se 72 orë vazhdon të jetë ?vizë hyrëse? në vend për Kosovën, Malin e Zi, Bosnje Hercegovinën dhe Serbinë.<br /><br /> ?Nuk kemi ndërmend ta ndryshojmë sepse situata aktuale në këto vend është e ngjashme me tonën dhe nëse hapen plotësisht kufijtë do të kemi numër më të madh të të infektuarve. E ndjekim situatën aktuale në të gjitha shtetet dhe shohim se ka numër të madh të të sëmurëve edhe në këto vende.?- deklaroi ? Zharko Karaxhovski, Kryetar i Komisionit për Sëmundje Infektive.<br /><br /> Aktualisht, kufijtë tonë mbeten të hapur për Bullgarinë, Greqinë dhe Shqipërinë. Por, meqë Greqia dhe Bullgaria ka bllokuar vendin tonë sipas rekomandimeve të zonës Shengen, Shqipëria mbetet destinacioni i vetëm për qarkullim të lirë pa asnjë kushtëzim. Numri ?një? i KSI-së tha se shëndeti publik është prioritet krahas zmbrapsjes së turistëve fqinjë. Por me këtë qëndrim nuk pajtohen Agjencitë turistike. Qindra përfaqësues prej këtij sektori nga i gjithë vendi protestuan në Shkup kundër masave të qeverisë. Nga Shoqata e Agjencive Turistike thonë se me humbje 100% do t?i vënë drynin 300 agjencive turistike me 5 mijë punëtorë.<br /><br />?5 muaj pa të ardhura, 5 muaj pa punë, duhet patjetër të marrim ndonjë ndihmë nga shteti. Kërkesat tona janë të marrim pagë minimale me 100% kontribute të paguara, të marrim subvencione me të cilat do të mund t?i paguajmë qiratë dhe shpenzimet e tjera.- pohoi Ana Maria Aleksova, Shoqata e Agjencive turistike.<br /><br />?Të na japin para se e dini si është puna, nëse nuk kemi qarkullim neve do t?i vëmë drynin agjencisë dhe unë si e punësuar skam prej ku të marr para dhe të jetoj. Familja ime varet nga unë?- tha Jetmira Besimi, Shoqata e Agjencive turistike.<br /><br /> Nga KSI theksojnë se nuk kanë rekomanduar asnjë masë të shtuar restriktive gjatë fundjavës, ku përkon festa e Bajramit dhe Ilindenit. Madje, Karaxhovski bën apel tek të gjithë qytetarët që të shmangin festat familjare apo tubimet masive, dhe të përdorin maskat dhe dezinfektuesit.<br /><br /><br /><br /><br />Përgatiti: Adnan Qaili
