'zahay mivady toa sodrian-tory <br />mihevitra anao ankizy foana <br />nony nihiratra taitra tsitahita akory <br />hay moa ianao tonga taona <br /><br />hay moa tokoa ianao ari-elatra <br />te hanana zo te hande te hivelatra <br />vita ny adidy ny dada sy neny <br />efa voninkazo 'ilay voa novoleny <br /><br />handeha, tsara tso-drano <br />tsy ho azon-tsampona tsy hidiran'angano <br />handeha, soava-tsaraha, zay vao tena lehilahy <br /><br />be ny tafahoatra, be koa ny tsy ampy <br />na ny anatra na tambitamby <br />be ny sakatsakana, be ny fandrarana <br />toe-tara toe-drandro izay mazana <br /><br />nefa izay moa no mba heverinay ho tsara <br />satria ny tianay dia ho tsara dimby sy fara <br />aza tsiriana mety tsy ho tsara daholo <br />ny mba ho fariana ny hahay ny taiza sy ny hikolo <br /><br />handeha, ny any aloha no banjino <br />ny fahendrena no hany vatsy aza adino <br />handeha mahità ny mamy <br />mba ho lavitra tomany <br /><br />lasa nandeha ka hisidina irery <br />efa lehibe tsisy handidy tsisy hanery <br />handimby ireo zoky antsoroka adidy <br />ny mba faniriana tsy ho ratsy safidy <br /><br />handeha, mahaleova <br />f'ianao no dimby, ianao no handova <br />handeha, ny anarantsika, aza avela ho entin-driaka
