Umabot ng dalawang taon, bago nagdesisyon si Julie Anne San Jose na i-release ang kanta niyang "Better."<br /><br />Ayon sa 26-year-old singer-actress-host, wala talaga siyang intensyon na i-release as a single ang kanta niyang ito.<br /><br />Kuntento na siyang parte lang ito ng soon-to-be released album niya.<br /><br />Pero nang ma-realize ni Julie Anne na matagal na rin siyang walang nare-release na kanta, ang "Better" ang naisip niyang ibahagi sa publiko.<br /><br />Kuwento ng Kapuso artist sa kanyang PEP Exclusives interview kay Jimpy Anarcon, originally ay sinulat niya ang kanta bilang outlet ng pinagdadaanan niya dalawang taon na ang nakararaan.<br /><br />Matatandaang nung Nobyembre 2018—dalawang taon na ang nakalilipas—pumutok ang balitang break na sila ng boyfriend na si Benjamin Alves.<br /><br />Walang naging pahayag noon sina Julie Anne at Benjamin kung may katotohanan ang balita.<br /><br />Nanahimik lang si Julie Anne, habang si Benjamin naman ay nanatili sa Hawaii matapos na umuwi roon dahil sa pagkamatay ng ama nito na doon nakatira.<br /><br />Pero noong January 2019 sa unang pagkakataon ay kinumpirma ni Julie Anne sa PEP.ph (Philippine Entertainment Portal) na hiwalay na nga sila ni Benjamin.<br /><br />Kinumusta pa ng PEP ang kalagayan ni Julie Anne pagkatapos ng pinagdaanang breakup.<br /><br />"I'm OK. I'm good. Better," sagot nito.<br /><br />Fast-forward to 2020, heto't ibinahagi na niya sa kanyang fans—sa pamamagitan ng isang awitin—ang kanyang pinagdaanan at kung paano nakatayo mula rito.<br /><br />Sabi pa ni Julie Anne, bumabagay rin naman daw ang mensahe ng kanta sa panahon ngayon.<br /><br />"Medyo timely din kasi, e..."<br /><br />"Kumbaga, may mga pinagdadaanan tayo sa buhay, 'tapos siyempre, gusto natin na maging okey tayo, di ba?<br /><br />"Siyempre, kailangan din nating tulungan ang ating mga sarili, di ba?<br /><br />"Parang, hindi naman tayo magiging better kung hindi natin tutulungan ang sarili natin, if we're gonna get stuck in the dark.<br /><br />"We can't be like that forever. Kumbaga, kailangan mo ding i-open ang mga mata mo sa mga bagay-bagay, and of course, gusto mo din na i-improve din yung sarili mo.<br /><br />"Of course, with the help of the people na sumusuporta sa 'yo, na tumutulong sa 'yo, at nagmamahal sa 'yo.<br /><br />"I've always been grateful sa lahat ng mga sumusuporta din sa akin, sa decisions ko, and of course, sa music career...<br /><br />"And, yeah, I think yung pinaka-lesson for me is, you know, always be strong and always have faith na malalampasan mo lahat ng pinagdadaanan mo."<br /><br />Panoorin ang buong video interview para ma-update tungkol kay Julie Anne, pati na ang kanyang masayang PEP Challenge.<br /><br />Huwag ding palampasin ang kanyang performance ng "Better."<br /><br />Interview: Jimpy Anarcon<br />Video Producer and Editor: Rommel R. Llanes
