Pasiteri Zigirumugabe Antoine watangije umurimo w’Imana muri Paruwasi ya Remera mu 1986 yasezeranye n’umugore wa kabiri nyuma y’imyaka isaga ibiri uwa mbere yitabye Imana.<br /><br />Uyu mukozi w’Imana w’imyaka 70 yahamije isezerano ryo kubana na Mukakabanda Sidonie imbere y’amategeko mu muhango wabereye mu Murenge wa Kimihurura kuri uyu wa 21 Kanama 2020.<br /><br />Pasiteri Zigirumugabe Antoine n’umugore we bari bagaragiwe n’abiganjemo abana babo bagaragazaga akanyamuneza ko kubona ababyeyi babo bahamije isezerano ryo gusazana.<br /><br />Ni ibirori byabaye hubahirizwa amabwiriza yo kwirinda icyorezo cya COVID-19, abawitabiriye bari bambaye udupfukamunwa ndetse umubare w’abitabiriye igikorwa cyo gusezerana ntibarenze 15.
