Sa PEP Live guesting ng newcomers na sina Enzo Santiago at Darwin Yu, ikinuwento nila sa host na si Jimpy Anarcon kung paano nila nakuha ang lead roles sa soon-to-air BL series na My ExtraOrdinary. <br /><br />Ang My ExtraOrdinary ang unang BL o Boys Love series na ipapalabas sa telebisyon. <br /><br />Bago sila, marami nang naunang local BL series na ipinalabas pero sa online lang, katulad ng Gameboys, Hello Stranger, at Kumusta Bro.<br /><br />Ayon sa dalawa, January pa lang ay sinabi na sa kanila na may gagawin silang TV series. <br /><br />At dahil baguhan pa lang, excited sina Enzo at Darwin agad kung anuman ang gagawin nilang serye, kahit na wala silang alam gaano kung ano talaga ito.<br /><br />Sa first meeting nila with the writers, director, at producers, doon lang nila nalaman na isang "LGBT series" ang gagawin nila at silang dalawa ang magka-love team.<br /><br />"Sinabi lang sa amin, kami ang partner. Nagulat kami," kuwento ni Darwin. <br /><br />"Yung babae pala yung mang-aagaw," natatawa namang sabi ni Enzo.<br /><br />Bago napiling mga bida sa My ExtraOrdinary, nagsimula muna bilang mga "extra-extra" sina Enzo at Darwin. <br /><br />Unti-unti ay napansin sila at nagkaroon ng mga mas mahahabang parts sa ilang TV projects. <br /><br />Naging support / kontrabida si Enzo sa IBC13 /Net25 series na The Prodigal Prince at nakasama sa ilang indie films.<br /><br />Si Darwin naman ay nagsimula ring bilang "talent" at kalauna'y napasama sa indie films matapos um-attend ng acting workshops. <br /><br />Ang first big break niya ay ang indie film na 1st Sem kasama si Lotlot de Leon. <br /><br />Na-nominate siya rito bilang new movie actor of the year sa 2017 Star Awards for Movies at sa kategoryang best actor naman sa 2018 Madrid International Film Festival. <br /><br />Panoorin ang video para sa iba pa nilang kuwento tungkol sa kanilang TV series na My ExtraOrdinary.<br /><br />Para sa full PEP Live interview nina Enzo at Darwin, i-click ang link na ito: https://www.youtube.com/watch?v=7Pi907_49No<br /><br />#enzosantiago #darwinyu #myextraordinary #peplive<br /><br />Host: Jimpy Anarcon<br />Producer: Rommel Llanes<br />Director: Kim Justine Gan <br /><br />Subscribe to our YouTube channel! https://www.youtube.com/PEPMediabox<br /><br />Follow us! Instagram: https://www.instagram.com/pepalerts/<br />Facebook: https://www.facebook.com/PEPalerts<br />Twitter: https://twitter.com/pepalerts<br /><br />Visit our DailyMotion channel! https://www.dailymotion.com/PEPalerts<br /><br />Join us on Viber: https://bit.ly/PEPonViber
