<br />A Totò<br />di Luciano Somma<br />Tu 'ncopp''o palcuscenico<br />si stato n'attrazione,<br />'o rre d''o munno comico<br />pe' tre generazione.<br />Verace figlie 'e Napule<br />n'he dato buonumore,<br />sapive fa' miracule<br />cu' l'arte toia d'attore.<br />Mado',che Ddio 'e cervella<br />tenive comme autore<br />pe' scrivere: 'A LIVELLA<br />e ' O FINE DICITORE.<br />Pe' fa' na MALAFEMMENA<br />ch'e' nu capolavoro,<br />canzone chiena 'e semmena<br />ch'ogge se canta ancora.<br />A sta citta' che campa<br />'a sempe 'int''o turmiento<br />tu c'he lassate 'a lampa,<br />nu sciummo 'e sentimento.<br />N'eredita' 'e surriso<br />nu testamiento 'e core<br />na luce 'e pizzo a rrisa<br />l'oro 'e nu 'nduratore.<br />E pe ringraziamento<br />t'avimmo dedicato<br />TOTO',nu monumento,StatCounter<br />tutto pe' tte,allustrato!<br />Napule e' na famiglia<br />aunita 'int''o calore<br />e tu ca le si' figlio<br />nun puo' muri',nun muore!<br /><br />
