Lajme Arkiva - TV Klan 2000<br /><br />Pas incidentit të djeshëm në Peshkëpi të Vlorës me nënkryetaren e parlamentit, njëkohësisht edhe nënkryetaren e Partisë Demokratike, Jozefina Topalli, sot kryetari i PD-së Sali Berisha, ka akuzuar direkt Nanon, Metën dhe Poçin, si organizatorë të këtij sulmi ndaj nënkryetares demokrate. <br /><br />Sali Berisha, kryetar i PD:- ?Zonja Topalli, që dje ishte subjekt i një kurthi, i një prite terroriste-politike, do t?ju njoh ju me këtë ngjarje të shëmtuar, të organizuar direkt nga Meta, Nano dhe Poçi, me qëllimin e vetëm për të mundur të mbijetojnë. Në këtë mënyrë ata zgjodhën kallash fushatën, si rrugë shpëtimi?. <br /><br />Partia Socialiste e ka filluar fushatën me kallashnikovë, ka denoncuar nënkryetarja e PD-së Topalli, duke treguar detaje nga sulmi i djeshëm ndaj makinës ku ndodhej ajo.<br /><br />Jozefina Topalli, Nënkryetarja e PD:- ?Dje isha në Selenicë, në një miting ku shpalla kandidimin e zonjës Selamie Naze për kryetare bashkie të Selenicës dhe të një zotërie tjetër për kryetar komune të Armenit, zotin Artur Hysi. Ishte miting i ngrohtë dhe shumë i mirë. Duke u kthyer nga mitingu drejt Vlorës, persona të armatosur me kallashnikov, bllokuan rrugën, qëlluan me kallash, duke terrorizuar fshatin përmes të cilit po kalonim. Më bllokuan makinën, hapën me forcë dyert e makinës, më pyetën nëse i njihja dhe i thashë se as i njihja as më interesonte që t?i njihja. Ndërkohë vazhdonin të qëllonin me breshëri në ajër, pranë makinës time, pa hezituar të drejtonin armën nga unë?.<br /><br />?Ministri i Rendit Poçi, kryeprokurori Rakipi dhe shefi i shërbimit sekret Klosi, janë mbledhur para katër ditësh kokë më kokë, për të hartuar akte terroriste, që do të ekzekutojnë gjatë fushatës?, ka komentuar Berisha. <br /><br />Liderët demokratë deklaruan se nuk do të bëjnë kallëzime në polici, pasi sipas tyre, ishte vetë policia që mori pjesë në organizimin e incidentit të djeshëm./tvklan.al<br /><br />Gazetare ? Mirela Milori <br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
