VMRO-DPMNE-ja nuk do të propozojë kandidat për nënkryetar të Kuvendit. Edhe pse kryetari i Kuvendit ka propozuar të ketë pesë nënkryetarë të ligjvënësit, njëri prej tyre që me i ligj i takon opozitës do të mbetet funksion bosh. Kjo sipas VMRO-së nuk nënkupton pranim të ofertës së kreut të LSDM-së Zoran Zaev për të hequr dorë nga ky funksion të dy partitë njëkohësisht. Nga LSDM-ja nuk tregojnë nëse do të kërkojnë një konsensus tjetër për të ulur numrin e nënkryetarëve por thonë se mbeten në qëndrimin e Zaevit. Ai një ditë më parë tha se nëse VMRO-DPMNE-ja heq dorë nga një nënkryetar, edhe LSDM-ja do të heqë dorë nga një nënkryetar, me ç?rast do të mbeten tre.<br /><br />Kontestit për nënkryetarët e Kuvendit i bashkohet edhe opozita shqiptare. Numrin prej pesë nënkryetarësh e konsiderojnë të lartë por gjithashtu të padrejtë faktin që diskriminohet opozita shqiptare.<br /><br />Alternativa ? Aleanca për Shqiptarët:<br /><br />?Pasi që sipas normave juridike, Kuvendi përcakton numrin e nënkryetarëve, ne konsiderojmë që numri i propozuar është i tepërt. Por, megjithatë, ajo që për ne është më e rëndësishme, është mosdiskriminimi i opozitës shqiptare. Prandaj, nëse opozita duhet përfaqësuar në postin e nënkryetarëve, atëherë mendojmë që duhet të jenë të barabartë opozita shqiptare dhe ajo maqedonase.?<br /><br />Gjatë përbërjes së kaluar ishte po ashtu në fuqi vendimi që parlamenti të ketë pesë nënkryetarë megjithatë këtë funksion e ushtruan vetëm katër nga radhët e shumicës. VMRO-DPMNE-ja edhe në atë përbërje nuk caktoj asnjë deputet për këtë funksion.<br /><br />Ligji për Kuvendin parasheh që nënkryetari nga radhët e opozitës udhëheq me Këshillin për Kanalin e Kuvendit.<br /><br />Ligji për Kuvendin:<br /><br />?Me propozim të kryetarit të Kuvendit, nënkryetari i Kuvendit nga radhët e opozitës është kryetar i Këshillit për kanalin e Kuvendit.?<br /><br />Ky këshill duhet të mblidhet çdo tre muaj dhe të shqyrtojë çështjet që kanë të bëjnë me funksionimin e Kanalit të Kuvendit.<br /><br />Nënkryetarët e Kuvendit paguhen më shumë se deputetët, kanë kabinet dhe nëpunës të kabinetit, çka nënkupton shpenzime shtesë nga buxheti i Kuvendit.<br /><br />Fatlume Dervishi
