Qytetarët vijojnë të presin me orë të tëra në kufi. Ata shprehen se janë të raskapitur, madje thonë se nuk kanë as shpresë se mund të kalojnë nesër.<br /><br />"Duhet të iki se kam punë, Kam ardhur me makinën time, duhet të kalojmë nesër se s'bën. Është shumë e vështira pritja këtej, nuk është hera e parë".<br /><br />"Kemi 14 orë këtu, të vetmit që na qan hallin jeni ju. Aplikimi u dogj, tamponi dhe pak orë ka. Do kthehemi prap dhe asnjë rrugë zgjidhje. Udhëtoj me autobus. Dhe nesër nuk e di a do kalojmë. S'jemi të garantuar se do kalojmë, kemi të dhëna se këtë e ka bërë policia jonë, dhe jo ajo greke, për të marrë ndonjë lekë".<br /><br />"Më ka vajtur tensioni 20 me 107 i zemrës, unë jam e sëmurë, a do ta përballoj natën, nuk e di. Këta na lanë tërë natën këtu, lëre që në çanë mushkonjat, s'po gjejmë derman, Nuk e dimë ca do bëjmë, jemi në hall të madh, Është ftohtë, të sëmurë jemi.<br /><br />Me çfarë lekësh të shkoj në hotel, ne i kemi harxhuar të gjitha, se erdhëm për punë dhe halle të tjera. Na mbaron në 11:00 nesër në mëngjes. Na thanë që në orën 06:00 do kaloni".<br /><br />"Shumë vështirë është, po nga e keqja do durojmë, siç kemi duruar 25 vjet. Na thanë nesër në mëngjes do kaloni, se autobusi do shkoj i pari. Nuk do t'ia di njeri", tregojnë emigrantët.
