Mbi 100 emigrantë kanë mbetur të bllokuar në pikën kufitare të Kapshticës. Pjesa më e madhe e tyre kanë ardhur që në orët e hershme të mëngjesit, por do të presin deri ditën e nesërme për të kaluar kufirin grek.<br /><br />Disa nga qytetarët shprehen të shqetësuar se do t'u përfundojë afati i bërjes së tamponit dhe do duhet të kthehen sërish për ta bërë. I gjithë ky proces ka një kosto të madhe për qytetarët shqiptarë, pasi tamponët bëhen në klinika private dhe kushton.<br /><br />"Dëm na bëjnë, sepse do bëjmë prapë tamponin na shkojnë 300 mijë lekë. Kthehemi sërish aty ku ishim", thotë një nga qytetarët.<br /><br />Gazetarja raporton se për momentin nuk ka një autoambulancë për t'u ardhur në ndihmë personave që mund të kenë probleme shëndetësore. Por, ditën e djeshme në momentin që është kërkuar një ambulancë, ajo ka ardhur në një kohë të shkurtër.<br /><br />"Vij nga Peqini. Që nga ora 5 e mëngjesit po qëndroj në pritje. Të shohim cfarë do bëjmë, ndoshta ikim. Situata është shumë e keqe. Në pritje e sipër nuk kemi gjë në dorë. Ne i kemi bërë detyrimet tona. Jemi mbi 40 veta në autobus. Nesër na kanë thënë që në orën 7 të mëngjesit mund të kalojmë", thotë një qytetar.
