Lajme Arkiva - Tv Klan 2000<br /><br />Të shtëna armësh dhe lajme kontradiktore nga Tropoja. Qyteti i Bajram Currit, periferia dhe fshatrat pranë tij, mbrëmë kanë jehuar nga breshëritë e armëve. Ka qenë ora 21, kur ka nisur breshëria e parë që është pasuar më vonë nga të tjerat. Nuk kanë vonuar dhe qëndrimet apo deklarata që sot në mëngjes kanë komentuar ngjarjet e mbrëmshme sot në Tropojë. <br /><br />Ministria e Rendit Publik, me një komunikatë të saj sqaron se rreth orës 21, në lagjen Partizani të Bajram Currit dhe në fshatin Markaj janë dëgjuar të shtëna armësh. Policia e Tropojës ka shkuar menjëherë në vendngjarje dhe ka konkluduar se banorë të zonës ende të paidentifikuar kanë qëlluar në ajër me armë automatike. Gjithashtu sipas policisë nuk ka pasur viktima e të plagosur dhe po punohet për identifikimin e personave që kanë qëlluar.<br /><br />Partia Demokratike ka deklaruar sot në mëngjes se agjent të shërbimit sekret dhe ekstremist të PS kanë terrorizuar për pesë orë rresht me të shtëna armësh dhe artilerie banorët e Tropojës. Sipas PD është qëlluar dhe shtëpia e kryetarit të PD së Tropojës Azgan Haklaj. Sipas PD është vetë shefi i SHISH Fatos Klosi, që ka organizuar terrorin e mbrëmshëm. Ndërkohë vetë Klosi ka mohuar që mbrëmë ishte në Tropojë. Sipas tij të shtënat e armëve kanë si autorë vetë militantët e PD./tvklan.al<br /><br />Gazetar ? Eduart Frangaj <br /><br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
