#tvora #rtvoranews<br />Puna në sektorin e ndërtimit ne vend nuk është frenuar as nga përhapja e koronavirusit. Pavarësisht gjendjes së vështirë ku ndodhej vendi në muajt prill, maj dhe qershor, bashkitë kanë miratuar një numër të konsiderueshëm për leje ndërtimi.<br /><br />INSTAT raporton se përgjatë tremujorit të dytë kur ishte dhe piku i pandemisë janë dhënë 322 mijë e 294 metra katrorë sipërfaqe për ndërtim me një rënie të lehtë krahasuar me tremujorin e parë.<br /><br />Të dhënat e detajuara tregojnë se kryeqyteti zë më shumë se 80% të këtij totali, ku janë dhënë 264 mijë e 387 metra katrorë sipërfaqe për godina të reja.<br /><br />Pavarësisht se përgjatë muajve prill dhe maj kishte pothuajse një pezullim total të aktiviteteve, bashkitë kanë miratuar 209 leje ndërtimi me një rritje prej 14% krahasuar me tremujorin e parë.<br /><br />Referuar të dhënave të INSTAT rezulton se kjo ka ardhur nga rritja e numrit të lejeve të dhëna nga bashkia e Durrësit, Elbasanit, Beratit, Fierit, Shkodrës, Lezhës dhe Dibrës.<br /><br />Nga ana tjetër kryeqyteti ka shënuar një rënie të numrit të lejeve krahasuar me tremujorin e parë ndërsa e vetmja që s?ka dhënë asnjë leje ndërtimi është bashkia e Kukësit.<br /><br />Ndonëse lejet kanë shënuar rritje krahasuar me tre muajt e parë të vitit ato janë në rënie krahasuar me të njëjtën periudhë të një viti më parë.<br /><br />INSTAT evidenton se të dhënat për qarkun e Tiranës janë përditësuar dhe rezulton numri i lejeve të ndërtimit përgjatë vitit 2019 të jetë më i lartë nga sa është raportuar më parë.<br /><br />Në tremujorin e dytë vlera e përafërt e lejeve të ndërtimit miratuar për ndërtesa dhe punime inxhinierike është 14,8 miliardë lekë nga 18.1 miliardë lekë që ishte në të njëtën periudhë të një viti më parë.<br /><br />Për më shumë lexoni në: <br />https://www.oranews.tv/pandemia-nuk-ndal-lejet-e-ndertimit-me-shume-ndertime-ne-tirane/<br /><br />Follow TV Ora dhe RTV Ora News <br /><br />Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp <br /><br />Për më shumë na ndiqni në: www.oranews.tv
