செந்துறையில் அடுத்தடுத்து நடைபெற்ற பெண்களின் ஆவேசப் போராட்டத்தால், செந்துறை தாலுகாவின் டாஸ்மாக் கடைகளிலுள்ள மதுபானங்களை அதிகாரிகள் லாரியில் ஏற்றி, பெரம்பலூருக்குக் கொண்டுசென்றனா். இதனால், ஏழு கடைகளும் தற்காலிகமாக மூடப்பட்டன. மீதமிருந்த இரும்புலிக்குறிச்சியில் டாஸ்மாக் கடையையும் அந்தப் பகுதி பெண்களும் இளைஞர்களும் புதிதாக மதுபானம் ஏற்றிவந்த லாரியை மடக்கிப்பிடித்து, டிரைவரையும் அதில் வந்த அதிகாரியையும் மிரட்டி அனுப்பினார்கள். பிறகு கடைக்கு வந்த மக்கள், தடையமே தெரியாமல் கடையைக் காலிசெய்தனர். அதனால், அந்தக் கடையும் மூடப்பட்டது. இதன்மூலம், தமிழ்நாட்டில் தற்காலிகமாக மதுக்கடையில்லாத தாலுகாவாக செந்துறை மாறியுள்ளது.
