ஒருவரது ஜாதகத்தில் தொழில்ஸ்தானம் என்பது லக்னத்திலிருந்து 10-ம் இடமாகும். அதில் அவர் தரும் பணியாற்றும் விதம், அதாவது அதில் அவரது ஈடுபாடு, சகமனிதர்களிடம் பழகும் சூழல் ஆகியவற்றைக் குறிப்பது ஆறாமிடமாகும்.<br /><br />இப்படி வேலைக்குச் சென்ற பிறகு, உடனே அவருக்குப் பதவி உயர்வு என்பது இருக்காது. அந்த வேலையில் அவரது ஈடுபாடு, அவர் காட்டும்விசுவாசம் இதெல்லாவற்றையும் கணக்கில் கொண்டுதான் அவரது முதலாளி அவருக்குப் பதவி உயர்வைக் கொடுப்பார்.<br /><br />ஒருவரது ஜாதகத்தில் லக்னத்திலிருந்து 7-ம் வீட்டுக்குடைய அதிபதி, 9-ம் வீட்டுக்குடைய அதிபதி, 11-ம் வீட்டுக்குடைய அதிபதி ஆகியோர் நல்லநிலையில் அமர்ந்து பலம் பெறவேண்டும்.<br /><br />7-ம் வீடு என்பது அவர் வேலை செய்யும் இடம். 9-ம் வீடு என்பது அவரது உயர் அதிகாரி. 11-ம் இடம் என்பது அவரது உயர்வை, புகழைச் சொல்லுமிடம். இந்த இடங்கள் நன்கு பலம்பெற்றுஅமைந்தால், அவருக்கு வேலையில் உயர்வு உண்டு. எப்போது?<br /><br />மேலே சொன்னபடி அந்த அமைப்பு இருந்து, அந்த கிரகங்களின் தசா புத்திகள் நடப்பில் வரும்போது, கோசார பலனும் சாதகமாக இருக்கும்போது அந்த உயர்வு கிடைக்கும். மற்ற நேரங்களில் கிடைக்காமல் தள்ளிப்போகும்.<br /><br />பதவி உயர்வு தள்ளிப்போகும் நேரங்களில் அதற்கான ஜோதிட ரீதியான காரணத்தைத் தெரிந்துகொண்டு, தெய்வ வழிபாடு செய்வது அவசியமாகும்
