Lajme Arkiva - TV Klan 2000<br /><br />Lezhjanët e kanë pritur kryesocialistin Nano, disa kilometra në hyrje të qytetit. Një ndalesë e shkurtër mes karvanit të gjatë të makinave të simpatizantëve lezhjanë dhe më pas socialistët i janë drejtuar qytetit të besëlidhjes. Një vit më parë kryesocialisti Nano zgjodhi Lezhën për të nisur rikthimin në krye të partisë me mbështetjen e bazës socialiste. <br /><br />Në mitingun elektoral të organizuar në qendër të qytetit të Lezhës është prezantuar kandidati për kryebashkiak Gjok Jaku. Në këto tre vjet qeverisje në pushtetin qendror, janë investuar për Lezhën 1 miliard e 100 milion lekë, për punët publike janë investuar 520 milion lekë, ndërsa për arsimin 260 milion lekë. Këto shifra, theksoi kryetari Nano, dëshmojnë kujdesin e socialistëve për Lezhën, në kundërshtim me vjedhjen e fondeve nga njerëzit e Berishës në pushtetin vendor. <br /><br />Fatos Nano, Kryetari i PS:- ?Këto premtime shifra, mund të çmendin edhe trurin e ftohtë të kompjuterëve, por unë jam i bindur, nuk e trazojnë dot më logjikën dhe memorien tuaj në gjithë territorin shqiptar?. <br /><br />E njëjta pritje si ajo e socialistëve lezhjanë i është rezervuar kryesocialistit Nano, sapo ka hyre në kufijtë e Kurbinit. Karvani i makinave socialiste i është drejtuar Laçit për prezantimin e kandidatit për kryebashkiak Valentin Lleshi. <br /><br />Fatos Nano, Kryetari i PS:- ?Bashkë me ju, më 1 Tetor, do t?i kthej Laçit hapësirën që meriton, për të qenë ndër qytetet më të zhvilluara të Shqipërisë. Valentini do të jetë shërbëtori dhe avokati i njerëzve të ndershëm, por dhe prokurori i cilitdo që do të tentojë ta përdor sërish pushtetin e votës tuaj në kurrizin tuaj dhe për përfitime personale, duke zgjedhur për kryetar bashkie një djalë që nderon shoqërinë civile dhe qytetarinë e Laçit?.<br /><br />Kryetari Nano u tha laçianëve, se periudha e zezë mbaroi edhe për këtë qytet. Ndër projektet e qeverisë, Nano përmendi riparimin e rrugës Laç-Patok, ujësjellësit e rinj, furnizimin me energji elektrike dhe ndërlidhje telefonike. Pas Lezhës e Laçit, turi i socialistëve vijon me Pogradecin dhe Korçën./tvklan.al<br /><br />Gazetar ? Vladimir Lame <br /><br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
