#tvora #rtvoranews<br /><br /><br />KLSH ka konstatuar shkelje tek një tjetër tender i dhënë për kompaninë Image & Communication Development, që rezulton të jetë zhvilluar pa garë dhe me parregullsi.<br /><br />Kompania në pronësi të Igli Gjelishtit u rikthye në qendër të vëmendjes pasi Partia Demokratike e akuzoi se fondet e marra nga shteti ia kalonte në llogari kompanive në pronësi të Karlo Bollinos.<br /><br />Bëhët fjalër për kontratën me objekt ?Ngritja e sistemit te gjobave elektronike për Policinë e Shtetit?, të kontraktuar nga Agjencia Kombëtare e Shoqërisë së Informacionit, në këtë rast subjekti i Igli Gjelishtit ka fituar tenderin për vlerën e ofertuar prej 227.5 milionë lekësh të reja pa TVSH.<br /><br />Përveç bashkimit të operatorëve Image & Communication Development me një tjetër subjekt, pjesëmarrëse rezulton të ketë qenë dhe një tjetër kompani e cila nuk ka paraqitur fare ofertë, çka i ka sjellë dhe skualifikimin.<br /><br />Në këtë mënyrë e vetme në garë mbeti vetëm bashkimi i operatorëve, duke u shpallur automatikisht edhe fituesi me 62.5% të vlerës totale të kontratës e zotëronte kompania e Gjelishtit.<br /><br />Por pasi ka kaluar më shumë se një vit, nëse përpiqesh të mësosh për më shumë detaje në regjistrin elektronik të prokurimeve nuk arrin dot të gjesh të dhëna shtesë.<br /><br />Megjithatë ky prokurim është sinjalizuar edhe nga ana e Kontrollit të Lartë të Shtetit në një auditim të ushtruar në Ministrinë e Financave dhe Ekonomisë në 8 tetor të një viti më pas, ku konstatohet se prokurimi ka tejkaluar fondin e miratuar me 68 milion lekë më shumë dhe janë shkelur gjithashtu afatet ligjore.<br /><br />?Ky urdhër prokurim është regjistruar për vlerën 171,208,876 lekë ndërkohë që në APP është shpallur më një fond rreth 68 milion lekë më shumë se fondi i miratuar. Kontrata është lidhur më 07.08.2018 dhe regjistruar më 01.11.2018 edhe kjo në shkelje të afatit ligjor 5 ditor.?<br /><br />Për të njëjtin prokurim KLSH evidenton:<br /><br />?Urdhër prokurimi jo vetëm që nuk është regjistruar paraprakisht në Thesar, para fillimit të procedurës së prokurimit por është regjistruar në SIFQ më 20.10.2018 ose 2 muaj pas lidhjes së kontratës.?<br /><br />Megjithëse Kontrolli i Lartë i Shtetit i ka cilësuar abuzivë tenderët ku skualifikiohen të gjithë pjesëmarrësit dhe pavarësisht sinjalizimeve të dërguara edhe nga auditimi zyrtar, nga ana e autoriteteve nuk është marrë asnjë masë dhe fondet kanë kaluar nga buxheti i shtetit në llogarinë e kompanive private.<br /><br />Sipas Partisë Demokratike në shtatë muaj kompania Image & Communication Development e Igli Gjelishtit i ka kaluar botuesit Karlo Bollino 1 miliardë lekë.<br /><br />Ky është rasti i dyti ku KLSH tërheq vëmendje për tenderët ku pjesëmarrëse ka qenë kompania e Igli Gjelishtit pasi parregullsi janë konstatuar edhe në tenderin për sistemin e vizitave tek mjeku i familjes.<br /><br />Për më shumë lexoni në: https://www.oranews.tv/miliona-per-bolinon-kompania-e-igli-gjelishtit-tjeter-tender-me-parregullsi-dhe-pa-gare/<br /><br />Follow TV Ora dhe RTV Ora News <br /><br />Subscribe To "Ora News" on YouTube Channel for NEWS HERE: http://bit...
