#tvora #rtvoranews<br /><br />Pandemia e koronavirusit ka bërë që këtë vit të lulëzojë tregtia e narkotikëve, me sasi rekord kokaine të trafikuara nga Amerika Latine drejt Europës.<br /><br />Sipas analistëve të Europol-it dhe Qendrës Europiane për Monitorimin e Drogave dhe Varësisë prej saj, kufizimet në lëvizje prej kovidit-19 nuk ndikuan në kontrabandën nëpërmjet detit.<br /><br />Në gjysmën e parë të 2020-ës, në portin holandez të Roterdamit u kapën më shumë se 25 mijë kilogramë kokainë apo dyfishi i sasisë së konfiskuar në të njëjtën periudhë të vitit 2019.<br /><br />Policia holandeze zbuloi së fundmi edhe laboratorin më të madh të kokainës në historinë e vendit, që përpunonte rreth 200 kilogramë lëndë narkotike me vlerë 6 milionë euro në ditë.<br /><br />Sipas Europol-it, kokaina në Europë mbërrin kryesisht përmes porteve të Holandës, Belgjikës dhe Spanjës, duke pasur si origjinë kryesisht Kolumbinë, informon oranews.<br /><br />Holanda konsiderohet vatër kryesore e Europës për trafikimin e narkotikëve për shkak të rrjetit më të mirë infrastrukturor dhe logjistik në lidhje me shtetet e tjera.<br /><br />Roli i Shqiperise<br />Ndërkohë në raportin e vitit të kaluar, Europol-i theksoi se Shqipëria luajti një rol po aq kyç për drogat e lehta si kanabisi, aktivitet që e renditi vendin ndër furnizuesit kryesorë të tregut europian.<br /><br />Organizatat kolumbiane dhe italiane historikisht kanë pasur peshë qendrore në prodhimin, trafikimin dhe shpërndarjen e kokainës, por konkurrenca vijon të rritet me përfshirjen e grupeve kriminale shqiptare, serbe, britanike, holandeze, frënge, irlandeze, marokene, spanjolle dhe turke.<br /><br />?Kulmi?<br />Në vazhdën e luftës kundër drogave, të hënën antimafia italiane në qytetin e Barit në bashkëpunim me autoritetet britanike dhe gjermane, njoftuan arrestimin e një shtetasi shqiptar i shpallur në kërkim për trafikim ndërkombëtar të narkotikëve.<br /><br />37-vjeçari me inicialet H.E. u ndalua në aeroportin e Londrës si pjesë e grupit të gjerë kriminal të goditur rreth dy muaj më parë nga megaoperacioni italo-shqiptar i titulluar ?Kulmi?.<br /><br />Grupi operonte prej 5 vitesh në mënyrë aktive në qarkun e Vlorës, Durrësit, Tiranës duke mbledhur drogën e kultivuar dhe duke e trafikuar atë në Itali dhe më pas në vendet e Evropës Perëndimore.<br /><br />Operacioni u finalizua më 30 qershor me arrestimin e 37 personave dhe me sekuestrimin e 40 milionë euro lëndë narkotike dhe miliona euro në asete si prona, automjete dhe vlera monetare.<br /><br /><br />Për më shumë lexoni në: https://www.oranews.tv/covid-19-ndali-gjithcka-por-jo-trafikun-e-kokaines-europol-lulezoi/<br /><br />Follow TV Ora dhe RTV Ora News <br /><br />Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp <br /><br />Për më shumë na ndiqni në: www.oranews.tv
