Të mërkurën thuajse të gjitha çerdhet në vend do t?i hapin dyert për fëmijët, por ende nuk dihet se sa prej tyre do të punojnë me kapacitet të plotë si pasojë e mungesës së kuadrit. Në 72 çerdhet publike në mbarë vendin kujdes mund të ju ofrohet 19 mijë fëmijëve. Rreth 4500 prindër që i plotësojnë kushtet nuk kanë treguar nëse do ti dërgojnë fëmijët e tyre në çerdhe. Ministrja e Punës dhe Politikës Sociale, Jagoda Shahpaska tha se mungesa e kuadrit nuk do të jetë sfidë për të nisë punën, por sfida kryesore do të mbetet kujdesi ndaj shëndetit të fëmijëve.<br /><br />Për të ndërmarr këto hapa jemi bërë analiza të hollësishme, para së gjithash duke përcjell situatën epidemiologjike në shtet, qëndrimet e autoriteteve shëndetësore nëse është e sigurte që të fillohet me punë nëpër çerdhe. Gjithsesi, e para dhe kryesorja, të respektohen të gjitha rekomandimet e protokollit që të garantohet shëndeti i fëmijëve ose të ulet në minimum mundësia e infeksioneve - deklaroi Jagoda Shahpaska, Ministre e Punës dhe Politikës Sociale.<br /><br />Por, vendimi i Qeverisë i cili parashikon që prindërit e fëmijëve deri në 6 vjeç të lirohen nga puna, ka zvogëluar kapacitetet e kuadrit që punojnë nëpër çerdhe. Komisioni për sëmundje infektive sot nuk shqyrtoi këtë çështje. Por, nga atje thonë se për të njëjtën do të japin rekomandime në seancën e radhës.<br /><br />Për prindërit me fëmijë deri në 10 vjeç, do të vendoset në mbledhjen e ardhshme të Komisionit - njoftojnë nga Komisioni për Sëmundje Infektive.<br /><br />Çerdhet u mbyllën në muajin mars me vendim të Qeverisë si pasojë e shpërthimit të pandemisë.<br /><br />Vendimi i fundit i Qeverisë që mbetet në fuqi, mbanë datën e 7 korrikut ku prindërit, të cilët kanë fëmijë nga mosha 6-10 vjeç të kthehen në punë për shkak të pushimit të verës. Aktualisht, jashtë procesit të punës mbeten prindërit, të cilët kanë fëmijë nga mosha 0-6 vjeç. Një pjesë e konsiderueshme e tyre janë si të punësuar nëpër çerdhe dhe shkolla.<br /><br />Adnan Qaili
