Një ditë pas takimit të ambasadores amerikane Kim me kreun e BKH-së Aida Hajnaj, edhe ambasadori i BE, Luigi Soreca ka "zbarkuar" në zyrën e saj këtë të mërkurë (9 shtator).<br /><br />BE do të mbështesë kompletimin e Byrosë Kombëtare të Hetimit por nuk dihen ende temat specifike të diskutimit mes diplomatit dhe Hajnaj.<br /><br />Gazetari i Report TV, Arsen Rusta bën me dije se Aida Hajnaj do të vijojë me disa takime të tjera me diplomatë të tjerë në ditët në vazhdim.<br /><br />Ndërkohë ditën e djeshme (8 shtator), ambasadorja Kim zhvilloi takim me Aida Hajnaj dhe kreun e SPAK, Arben Kraja ku fokusi i takimit ishte përzgjedhja e 60 hetuesve të FBI-së shqiptare.<br /><br />Përveç ambasadores, të pranishëm ishin edhe ekpertë të FBI-së të cilët do të merren me përzgjedhjen e agjentëve shqiptar.<br /><br />Report Tv mësoi se pjesë e diskutimeve ndërmjet Kim, Krajës dhe Hanjajt kanë qenë edhe hetimet e hapura nga të cilat pritet rezultat si proçese korrupsioni dhe narkotrafiku e pastrim parash.<br /><br />Pas takimit, Kim nuk preferoi të prononcohej për mediat teksa vetëm disa orë më pas ajo postoi në Tëitter teksa tha se BKH ka mbështetje të plotë nga ShBA.
