Lajme Arkiva 2000<br />Tirana është gdhirë sot nën masa të rrepta sigurie. Që në orët e para të mëngjesit, Forcat e Ndërhyrjes së Shpejtë kanë zhvilluar kontrolle të rrepta në kryeqytet. Në hyrje të Kombinatit, FNSH-ja me maska dhe antiplumb ndalojnë të gjitha automjetet e dyshuara duke kontrolluar për armë, dokumente identiteti dhe dokumente qarkullimi. Kontrolle janë bërë dhe në kthesën e Kamzës ku futen në kryeqytet makina me targa të veriut si dhe pranë Fakultetit të Filologjisë.<br />Në Kryeministri gjatë natës janë sjellë rrjeta teli me gjemba të gatshme për të rrethuar plotësisht Kryeministrinë brenda pak minutash në raste sulmi. Ndërkohë objektet e rëndësisë së veçantë si ministritë, universiteti dhe televizioni, sot janë ruajtur nga Forcat Komando. Në orën 12:00 gjatë mitingut të Partisë Socialiste në sheshin "Skënderbej" zinxhir forcash të shumta të policisë, kanë rrethuar sheshin në raste se ka ndërhyrje për incidente.<br />Gjatë kësaj kohe, nën masa të forta sigurie ka qenë dhe Ministria e Rendit. Mjete të blinduara janë nxjerrë në rrethinën e brendshme të Ministrisë së Rendit dhe Ministrisë së Pushtetit Lokal. Plotësisht nën kontroll kanë qenë sot lartësitë rreth sheshit "Skënderbej" ku është zhvilluar mitingu. Në tarracën e Ministrisë së Rendit dhe Ministrisë së Mbrojtjes, janë vendosur forca policore si dhe mitralozë që kanë vëzhguar lëvizjet që nga lart./tvklan.al<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
