Kolonjë<br /><br />Finalizohet operacioni policor i koduar "Novosela".<br /><br />Operacioni nga Komisariati i Policisë Kolonjë në bashkëpunim me Forcën e Posaçme "Shqiponjat", për goditjen e veprimtarisë kriminale të armëmbajtjes pa leje. <br /><br />Mbanin armë zjarri në banesë, qëlluan në orët e vona të natës në ajër duke shkaktuar panik tek banorët e zonës, por identifikohen dhe vihen në pranga gjatë operacionit.<br /><br />Dy autorët e dyshuar, kundërshtuan me dhunë punonjësit e policisë por me ndërhyrjen e menjëhershme të Forcës së Posaçme "Shqiponjat", neutralizohen dhe vihen në pranga.<br /><br />Policia sekuestron arsenal armësh e municion luftarak.<br /><br />Shërbimet e Komisariatit të Policisë Kolonjë pas njoftimit të marrë se në fshatin Novoselë, kishte të shtëna me armë zjarri, menjëherë kanë organizuar punën për identifikiminn, kapjen dhe arrestimin e autorëve.<br /><br />Pas veprimeve të shpejta profesionale, policia ka arritur të identifikojë dy autorët e dyshuar të cilët kanë kundërshtuar me dhunë punonjësit e policisë për të mos i shoqëruar në Komisariat.<br /><br />Në këtë kuadër është organizuaur dhe finalizuar operacioni policor i koduar "Novosela", ku pas ndërhyrjes profesionale të Forcës së Posaçme "Shqiponjat", në bashkëpunim me shërbimet e Komisariatit të Policisë Kolonjë, u bë kapja dhe prangosja e shtetasve:<br /><br />S. Z., 36 vjeç dhe M. Z., 34 vjeç, (vëllezër), banues në Novoselë. <br /><br />Gjithashtu këta shtetas, kanë kundërshtuar punonjësit e policisë, në momentin kur forcat do të ushtronin kontroll në banesën e tyre, ku konkretisht u gjetën e sekuestruan në cilësinë e provës materiale dy armë zjarri tip pushkë, një pistoletë tip "Zastava" me 4 fishekë, si edhe 1572 copë fishekë, të cilat i posedonin pa leje.<br /><br />Nga veprimet hetimore rezultoi se dy shtetasit e mësipërm, kanë qëlluar me armë zjarri në ajër duke prishur qetësinë publike, ku si pasojë e të shtënave një predhë ka rënë në banesën e shtetasit Q. B., pa shkaktuar dëme.<br /><br />Materialet i kaluan Prokurorisë të Rrethit Gjyqësor Korçë për veprat penale "Armëmbajtja pa leje", "Kundërshtimi i punonjësit të policisë së rendit publik" dhe "Prishja e qetësisë publike".<br /><br />SUBSCRIBE to "RTV KLAN" on YouTube for more videos!<br /><br />Për më shumë informacione vizitoni faqen tonë web https://tvklan.al/ <br />Videot e fundit nga Tv Klan i gjeni në faqen https://tvklan.al/video/ <br />Follow Tvklan on Facebook: https://www.facebook.com/tvklan/ <br />Follow rtvklan on Instagram: https://www.instagram.com/rtvklan/ <br />Programet e Tv Klan mund ti ndiqni edhe në faqen https://tvklan.al/programe/
