Sekretari i Përgjithshëm i LSI-së, Endrit Braimllari ka zhvilluar një takim me fermerë të fshatit Klloçë në Maliq, ku është njohur me problemet e tyre. Ai tha se kjo qeveri i ka lënë fermerët në harresë dhe me ndryshimin e qeverisjes pas 25 prillit e gjithë vëmendja do të jetë tek fermerët.<br /><br />"Ne jemi fermerë dhe e japim duhanin me kontratë, me karta të rregullta, me NIPT, tani ku ta gjejmë të drejtën ne?", thotë një qytetar.<br /><br />"Duhet fshati me asfalt, duhen kanalizime, duhet një shesh për fëmijët. S?ke një lulishte. Të tëra taksat i paguajmë ne. Punëtorë të mëdhenj janë të tërë këta që shikon këtu ti', tha një tjetër banor.<br /><br />Sipas Brahimllarit, banorët e Kllocës në Libonik të Maliqit po përballen me arrogancën, paaftësinë dhe papërgjegjshmërinë e bashkisë Maliq, nën mungesën e infrastrukturës, kanalizimeve, ujit të pijshëm apo mungesën e investimeve në bujqësi<br /><br />"Bashkia Maliq, ushtron presion nëpërmjet ndihmës ekonomike për shërbimet që duhet t'i ofrojë çdo qytetari duke keqpërdorur zyrat e shtetit. Përgjegjësia do të jetë personale për këdo që ushtron presion dhe përdor zyrat e shtetit për interesa personale dhe jo në funksion të shërbimit qytetar. Të gjithë do të mbajnë përgjegjësi për abuzimet, emërimet fiktive dhe keqpërdorimin e fondeve publike. Do të shkojnë përpara drejtësisë të gjithë zyrtaret të cilat abuzojnë dhe tallen me varfërinë ekstreme të banorëve të kësaj zone. Rilindja ka marrë fund, është e dëshpëruar dhe e vetmuar, forca e qytetarëve të bashkuar është shume herë më e fortë se e këtij sekti famëkeq. Më 25 Prill largojmë ketë fatkeqësi kombëtare që po i merr shpirtin vendit dhe qytetarëve. Më 25 Prill nis një epokë e re ajo e hapjes se vendeve te punës, e vëmendjes së drejtpërdrejt mbi hallet e qytetarëve", thotë Brahimllari.
