Në Drejtorinë për të Ardhura Publike ka të punësuar vetëm 95 shqiptarë, prej rreth 1,100 të punësuarve gjithsej në këtë institucion. Në shifra, 17.5% janë të punësuar nga nacionalitetet jo maqedonase, por ende nuk është arritur përfaqësimi i drejtë dhe adekuat. Ushtruesi i detyrës drejtor Faruk Omeri, tha për Alsat se në drejtoritë rajonale ku janë të banuara me shqiptarë kjo përqindje arrin kuotën e paraparë me ligj. Ai sqaroi se punësimet në këtë dikaster janë specifike.<br /><br /> ?Gjithsesi, si institucion kemi nevojë për kuadro, aq më tepër për staf me përvojë, kemi përpiluar në bazë të nevojave, të cilat i kemi shqyrtuar në dikaster për profile që urgjentisht kemi nevojë. Besoj se me sistematizim janë paraparë vende të tilla- deklaroi Faruk Omeri, U.D. Drejtor i DAP-it.<br /><br /> Nga pushteti qendror thotë se në DAP punësime nuk janë bërë prej vitit 2014 e këtej. Sipas Qeverisë një valë e re shpërndarjes se të punësuarve do të pasoj për të sistematizuar e nëpunësve shtetëror.<br /><br /> Qeveria e RMV-së<br /><br />?Punësimet bëhen në bazë të procedurave që i harton secili institucion dhe që marrin miratimin e Ministrisë së Financave dhe pëlqimin e Ministrisë së Informatikës dhe Administratës. Gjithsesi, në këtë procedurë do të përdoret mekanizmi i balancuesit. Sipas planit për punësim të 2021-ësh në DAP parashikohen rreth 100 punësime të reja dhe rreth 100 avancime brenda institucionit.?<br /><br /> Në DAP gjithashtu, gjuha e shkruar shqipe është e papërdorur. Përveç të folurës jo formale, ky institucion nuk ka harmonizuar aktet nënligjore për të vënë në funksion gjuhën e dytë zyrtare sipas Ligjit për përdorimin e gjuhëve. Përfaqësimi i drejtë dhe adekuat i të punësuarve nga bashkësitë më të vogla etnike në punë të shtetit mbetet larg plotësimit të kuotës së 20%-it në disa institucione shtetërore dhe publike. Sipas të dhënave të fundit, mos zbatimi i këtij ligji është në rreth 90% të institucioneve shtetërore.<br /><br /><br /><br /><br />Përgatiti: Adnan Qaili
