Pas vitit 2001, 2020-ta do të regjistrohet si viti më i keq për turizmin në vend, sipas analizave të para nga Fakulteti i Turizmit dhe Gastronomisë. Arsyeja për këtë situatë është mungesa e mysafirëve të huaj që nuk janë vërejtur në Ohër që nga fillimi i pandemisë. Këtë verë, sezoni kaloi vetëm me mysafirë vendas të cilët nuk konsiderohen konsumatorë të mëdhenj kurse shumë prej tyre kanë pasur vauçerë, thonë nga sektori i turizmit.<br /><br /> ?Deri në fund të vitit presim që të kemi negativë në krahasim me vitin paraprak prej 30% -40% sa i përket bujtjeve. Por, sa i përket të ardhurave, kjo rënie mund të jetë deri në mbi 50%- deklaroi Cvetko Andreeski- dekan i Fakultetit të turizmit në Ohër<br /><br /> Nëse vitin e kaluar ka pasur të ardhura prej rreth 400 milion dollarë, në rastin më të mirë, këtë vit kjo shumë do të përgjysmohet.<br /><br />"Nëse e krahasojmë këtë krizë me krizën e vitit 2001, do të shohim se pas asaj krize, u deshën 10 vjet për t'u kthyer te numrat që kishim në 2000. Tani nuk guxojmë ta lejojmë këtë luks të presim dhjetë vite që të merren masa për zhvillimin e turizmit- pohoi Cvetko Andreeski- dekan i Fakultetit të turizmit në Ohër.<br /><br /> Ohri dhe Struga do të përballen me dimër të vështirë, duke pasur parasysh kufijtë e mbyllur dhe frikën e njerëzve për të udhëtuar.<br /><br />"Gushti ishte i shkëlqyeshëm, por kjo nuk mund t'i mbulojë shpenzimet gjatë gjithë vitit. "Nëse ndihma nuk vazhdon, mendoj se turizmi ishte në respirator deri më tani, tani mund të dështojë".<br /><br />Profesorët besojnë se për ta kaluar këtë periudhë më lehtë, pas përfundimit të pandemisë, masat për subvencionimin e mysafirëve të huaj dhe fluturimet e lira nga destinacionet evropiane duhet të riaktivizohen. Viti më i mirë në turizmin e Ohrit është në 1987 me 4 milionë bujtje dhe viti 2019 me pak më shumë se tre milionë.<br /><br />Miki Trajkoski
