TIRANË - Gjykata ka caktuar masën e sigurisë arrest me burg për Mario Roshi dhe arrest shtëpie për Andi Roshin.<br /><br />Ata janë dy vëllezrit, pronarët e qendrës së masazhit të cilën e kishin kthyer në "strofull" prostitucioni. Dy vëllezërit u arrestuan vetëm pak ditë më parë në kryeqytet.<br /><br />Mario ka dy akuza, ?shfrytëzim prostitucioni? dhe ?mbajtje të lokaleve për prostitucion?, ndërsa Andi Roshi ka vetëm një akuzë, ?mbajtje të lokaleve për prostitucion?. Mbrojta e Andi Roshit pretendon se edhe kjo akuzë për të është e paprovuar.<br /><br />Burime zyrtare i thanë Shqiptarja.com se Mario dhe Andi rekrutonin vajza nëpërmjet rrjeteve sociale me pretendimin për t'i punësuar si masazhatore për të kryer masazhe relaksuese për klientët e këtyre qendrave.<br /><br />Pasi i rekrutonin paraprakisht dhe i punësonin, i detyronin më pas këto punonjëse, disa prej tyre të mitura që përveç masazhit t'u ofronin klientëve edhe shërbime seksuale.<br /><br />Në përfundim klientët bënin pagesën për shërbimin e masazhit dhe shërbimet seksuale që ata përfitonin dhe këto përfitime ndaheshin ndërmjet administratorëve të këtyre qendrave dhe punonjëseve që kryenin këto shërbime.<br /><br />Ndërkohë në hetim është menaxherja, S.D., 21 vjeç si dhe 5 vajza të tjera që punonin në këto qendra masazhi.
