Qeveria ka vendosur t?ju jap edhe një mundësi punonjësve që kanë qenë të padeklaruar që të përfitojnë nga paketat e qeverisë nëse kanë dalë të papunë si pasojë e COVID-19. Këshilli i Ministrave ka ndryshuar vendimin për programin e ri-punësimit, duke shtuar si përfitues edhe këtë kategori.<br /><br />?Punëkërkuesit me të drejtë përfitimi për programin, janë ata të cilët deklarojnë që kanë qenë të punësuar, por nuk evidentohen si të tillë në Drejtorinë e Përgjithshme të Tatimeve dhe regjistrohen në zyrën e punësimit?, thuhet në vendimin e publikuar në Fletoren Zyrtare.<br /><br />Ata që kanë punuar në të zezë dhe kanë humbur punën si pasojë e masave të ndërmarra për të ndaluar përhapjen e pandemisë do të përfitojnë nga faza e tretë e këtij programi i cili parashikon që shteti të marrë përsipër për një periudhe 1-vjeçare subvencionimin vetëm kostot e sigurimeve të detyrueshme bazuar në pagën minimale në vend.<br /><br />Ndërkohë nga dy fazat e para të programit do të përfitojnë punëkërkuesit që kanë dalë të papunë si pasojë e COVID-19, dhe që janë regjistruar në zyrat e punësimit.<br /><br />Kjo është mundësia e dytë që ju jepet punonjësve të padeklaruar për të përfituar nga nismat e qeverisë, pasi gjatë karantinës kryeministri Edi Rama iu kërkojë që të denonconin biznesin ku punonin në të zezë në mënyrë që të përfitonin nga pagat e luftës. Kjo mundësi nuk u shfrytëzua nga asnjë punonjës informal.
