#tvora #rtvoranews<br /><br />Gjykata Kushtetuese dhe ajo e Lartë kanë mbetur ende vetëm në letër, duke u shfrytëzuar si ping pong ndërmjet institucioneve për akuza të ndërsjellta. Një ditë pasi socialistët apeluan Presidentin për bashkëpunim, madje duke vendosur fundin e vitit si afatin e fundit për të ngritur dy gjykatat, Ilir Meta e drejton gishtin drejt KED dhe KLGJ.<br /><br />Në një letër drejtuar Kuvendit, KED, KLGJ dhe Avokatit të Popullit akuzon drejtuesit e organeve të reja të drejtësisë për anomali ligjore ndaj procesit të filtrimit të kandidatëve për Kushtetuesen dhe Gjykatën e Lartë.<br /><br />?Në këto kushte, KED-së i kërkohet të vijojë punën me impenjim të plotë dhe pa u ndikuar nga aktorë të ndryshëm, me qëllim përfundimin e të gjitha procedurave brenda muajit shtator 2020, për të tre vendet vakante që i përkasin Presidentit dhe Kuvendit, duke shmangur çdo vendimarrje antikushtetuese që do të impononte reagim dhe do të shkaktonte pasoja të pandreqshme ndaj këtij procesi jetik për vendin.?<br /><br />Madje Meta hedh dyshime se pse në mbledhjen e ditës së mërkurë të KED shqyrtohen vetëm 4 kandidatëve, ku për vakancën e Presidentit janë 10 emra.<br /><br />?Një ndarje e tillë, përveçse do të sjellë implikime të forta ligjore për veprimtarinë e KED-së, krijon dyshime për një proces selektiv të paramenduar dhe vonesë të qëllimshme në këtë proces.?<br /><br />Kreu i Shtetit nuk shikon asnjë ndryshim në procedurat e ndjekura nga KED, edhe pas largimit të Dvoranit.<br /><br />?KED u kthye sërish në praktikën e vjetër, duke shkelur hapur parashikimet Kushtetuese, duke ripërjashtuar institucionin e Avokatit të Popullit nga mbledhja e datës 21 gusht 2020. Kjo është anomali edhe më e rëndë, që e ndërlidhur me veprimet e tjera, tregon se KED është shumë pranë rrëshqitjes sërish në paligjshmëri.?<br /><br />Kërsa e Ardian Dvoranit për të marrë pjesë në mbledhjet e Këshillit ka shqetësuar sërish Ilir Metën. Madje Preisdenti parlajmëon KED se shqyrtimi i kësaj kërkesë është antikushtetuese.<br /><br />?Përfshirja në rend dite dhe shqyrtimi i një çështjeje që në thelb është e zgjidhur dhe që nuk është kompetencë e KED-së. Para së gjithash është kapërcim kompetencash dhe përbën shkelje të parashikimeve të Kushtetutës dhe ligjit që sjell implikime ligjore si për anëtarët e KED-së, ashtu dhe për vendimmarrjen e këtij organi.?<br /><br />Në letrën e tij, Kreu i Shtetit shpreh pakënaqësi të mëdha ndaj KLGJ, sipas të cilit që prej 2 vitesh ka propozuar për emërim në Gjykatën e Lartë vetëm 3 emra. Në fund Meta paralajmëron se çdo veprim i qëllimtë për bllokimin e funksionimit si të Gjykatës së Lartë ashtu dhe të Gjykatës Kushtetuese, kërkon mbajtjen e përgjegjësive ligjore nga çdo funksionar.<br /><br />Për më shumë lexoni në: https://www.oranews.tv/meta-te-merren-masa-emergjente-per-te-bere-funksionale-gjykaten-kushtetuese/<br /><br />Follow TV Ora dhe RTV Ora News <br /><br />Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE ww...
