Pas disa orësh kërkimi arrestohet Arbër Kotaj, autori i plagosjes në Durrës, ku mbeti i vrarë 33-vjeçari Idajet Dulla. Një sherr i çastit për zënien e rrugës nga ana e Arbër Kotaj me mjetin e tij ka bërë që ky të nxjerrë një thikë dhe të qëllojë në zemër Idajet Dullën, 33 vjeç, i cili humbi jetën në spital, duke mos i mbijetuar dot plagëve.<br /><br />Ngjarja e rëndë ka ndodhur pasditen e djeshme ku viktima, Idajet Dulla i ka kërkuar llogari për zënien e rrugës autorit Arbër Kotaj, 26 vjeç, banues në Durrës. Kjo ka sjellë një sherr mes tyre dhe më pas Kotaj ka nxjerrë thikën duke e qëlluar 33-vjeçarin.<br /><br />Pas ngjarjes së rëndë, Kotaj u arratis në këmbë, por që u arrestua nga policia disa orë më vonë. Mësohet se Arbër Kotaj është djali i drejtorit të burgut të Durrësit, Astrit Kotaj, i cili favorizoi lirimin para kohe të Lul Berishës.<br /><br />Viktima Idajet Dulla ishte me profesion shofer, i një autoboti në kompani private, ndërsa autori shofer i autobusit që dërgonte punëtorët në një fasoneri. Skena e krimit është pikërisht pranë autobusit të autorit, me të cilin ai kishte bllokuar rrugën, shkak që lindi edhe konflikti që përfundoi në tragjedi.<br /><br />Arbër Kotaj akuzohet për veprat penale "Vrasja me dashje" dhe "Mbajtja pa leje e armëve të ftohta", ku pritet të përballet me ligjin.
